කොළඹ කොටස් වෙළඳපොළේ ප්රධාන දර්ශක දෙකම අද (2026 මාර්තු 16) දැවැන්ත පසුබෑමකට ලක් වූ අතර සියලු කොටස් මිල දර්ශකය (ASPI) ඒකක 21,000 සීමාවෙන් පහළට ඇද වැටුණි. දිනය අවසානයේ සියලු කොටස් මිල දර්ශකය ඒකක 20,939.26ක් ලෙස සටහන් වූ අතර සියලු කොටස් මිල දර්ශකය මෙලෙස ඒකක 21,000 මට්ටමෙන් පහළට ඇද වැටුණු පළමු අවස්ථාව මෙය වන්නේ 2025 සැප්තැම්බර් 18 වැනිදායින් පසුවය.
මෙයට සමගාමීව S&P SL20 දර්ශකය ද ඒකක 6,000 සීමාවෙන් පහළට පැමිණි අතර එය ඒකක 199.72කින් පහත වැටී දිනය අවසානයේ ඒකක 5,884.93ක් ලෙස සටහන් විය. අද දින වෙළඳපොළ පිරිවැටුම රුපියල් බිලියන 6.59ක් ලෙස වාර්තා වූ අතර දේශීය ගැනුම් රුපියල් බිලියන 6.49ක් සහ දේශීය විකුණුම් රුපියල් බිලියන 6.54ක් ලෙස සටහන් විය.
ගෝලීය වශයෙන් පවතින යුදමය නොසන්සුන්තාවය සහ බලශක්ති අර්බුදය හමුවේ ආයෝජකයින් දැක්වූ සැලකිලිමත් භාවය මෙම පසුබෑමට ප්රධාන හේතුව වී ඇති බව ආර්ථික විශ්ලේෂකයෝ පෙන්වා දෙති. විදේශීය ආයෝජකයින් අද දිනයේ රුපියල් මිලියන 97ක මිලදී ගැනීම් සිදු කළ අතර ඔවුන්ගේ විකුණුම් රුපියල් මිලියන 42ක් ලෙස සටහන් විය.
