පඩුකරඳ හෙවත් ශාඛය රතු දත්ත ලැයිස්තුවෙන් ඉවත් කර නැත – පරිසර අමාත්‍යංශය

පඩුකරඳ හෙවත් Crudia Zeylanica ශාඛය 2020 රතු දත්ත ලැයිස්තුවෙන් කිසිසේත්ම ඉවත් කර නොමැති බව පරිසර අමාත්‍යාංශය පවසයි.

පඩුකරඳ හෙවත් Crudia Zeylanica ශාඛය 2020 රතු දත්ත ලැයිස්තුවෙන් ඉවත් කර ඇති බවට ඇතැම් මාධ්‍ය හා සමාජ මාධ්‍ය ඔස්සේ පළ ව ඇති ප්‍රවෘත්ති පරිසර අමාත්‍යාංශය විසින් නිරීක්ෂණය කර ඇත.

එහෙත් එම පුවත්වල කිසිදු සත්‍යතාවයක් නැති බව පරිසර අමාත්‍යාංශය අවධාරණය කර සිටී.

පරිසර අමාත්‍ය මහින්ද අමරවීර මහතා නැවතත් මේ සම්බන්ධව අදාල බලධාරින් වෙතින් කරුණු විමසා සිටි අතර ඔවුන් කියා සිටියේ කිසිසේත්ම එම ශාඛය රතු දත්ත ලැයිස්තුවෙන් ඉවත් නොකරණ බවයි.

2012 දී පළ කරන ලද රතු දත්ත ලැයිස්තුවේ දී ශ්‍රී ලංකාවෙන් තුරන් ව ගිය (Extinct) ශාඛ පහක් රතු දත්ත ලැයිස්තුවට ඇතුළත් කර තිබිනි.

ඒවා නම් (I) Rinorea decora (Violaceae), (II) Rinorea bengalensis (III) Crudia zeylanica (Fabaceae) (IV) Strobilanthes caudata (Acanthaceae), (V) Blumea angustifolia (Asteraceae). යන වර්ග පහයි.

එහෙත් 2012න් පසු සිදු කරන ලද උද්භිද විද්‍යා සමීක්ෂණවල දී මේ අතරින් 2020 ශාඛ පිළිබඳ රතු දත්ත ලැයිස්තුව සකස් කිරීමේ දී Rinorea decora (Violaceae), Rinorea bengalensis, Crudia zeylanica (Fabaceae) යන විශේෂ 03 ම නැවත සමීක්ෂණ මගින් රැස් කරනු ලැබ තිබේ.

Crudia zeylanica හෙවත් පඩු කරඳ ශාඛය ඉන් එකකි. අධිවේගී මාර්ගය ඉදි කිරීමේ දී මහත් ආන්දෝලනයට ලක් වුයේ එම ශාඛයකි. නමුත් මෙම ශාඛය හඳුනා ගැනීමත් සමග එම ශාඛය තවත් ස්ථාන කිහිපයකින් හඳුනා ගනු ලැබීය.

එමනිසා එම ශාඛය තවදුරටත් ශ්‍රී ලංකාවෙන් වඳව ගිය Extinct විශේෂයක් ලෙස නොසැළකේ. එසේ වුවද එම ශාඛය රතු දත්ත ලේඛනයෙන් ඉවත් වන්නේ නැත. එය ඊළග වර්ගීකරණයට එනම් අවදානමට ලක් වූ ශාඛයක් ලෙස තවදුරටත් රතු දත්ත ලැයිස්තුවේ අන්තර් ගත වේ.

නමුත් 2012 ශාඛ රතු දත්ත ලැයිස්තුවේ අන්තර්ගත වූ ශ්‍රී ලංකාවෙන් වඳ ව ගොස් ඇතැයි සැළකෙන Strobilanthes Caudata (Acanthaceae), Blumea angustifolia (Asteraceae). ශාඛ විශේෂ දෙක 2020 රතු දත්ත ලැයිස්තුවේ ද අප රටෙන් වඳ වී ගිය ශාඛ දෙකක් ලෙස තවදුරටත් නම් කරනු ලැබ තිබේ.

Doona ovalifolia (Dipterocarpaceae) and Alphonsia hortensis (Annonaceae) ස්වාභාවික පරිසරයෙන් වඳ වී ගොස් ඇති කාණ්ඩයේ (Extinct in Wild ) 2012 රතු දත්ත ලැයිස්තුවේ අන්තර් ගතය.

Eugenia xanthocarpa (Myrtaceae) වත්මන් එනම් 2020 රතු දත්ත ලැයිස්තුවේ ස්වාභාවික පරිසරයෙන් වඳ වී ගිය (Extinct in Wild ) කාණ්ඩයට ඇතුළත් කර තිබේ.

Alphonsea hortensis and Eugenia xanthocarpa දැනට පේරාදෙණිය රාජකීය උද්භිද උද්‍යානයේ සජීවි ශාක නිදර්ශණ එකතුවේ වගා කර ඇත.
එමනිසා පඩුකරඳ හෙවත් Crudia Zeylanica ශාඛය 2020 රතු දත්ත ලැයිස්තුවෙන් ඉවත් කර ඇති බවට ඇතැම් මාධ්‍ය හා සමාජ මාධ්‍ය ඔස්සේ ප්‍රවෘත්ති පළ වී ඇති වාර්තා සාවද්‍ය වේ.
මෙම රතු දත්ත ලැයිස්තුව සකස් කිරීමේ දී ලෝක සංරක්ෂණ සංගමයේ (IUCN) නිර්ණායක අනුව සකස් කරනු ලැබේ. එමනිසා අපිට අවශ්‍ය පරිදි රතු දත්ත ලැයිස්තුවට ඇතුළත් කිරීමට හෝ ඉන් ඉවත් කිරීමට නොහැකිය.