මැද පෙරදිග කලාපයේ හටගෙන ඇති යුදමය වාතාවරණය හේතුවෙන් යුරෝපා සංගමයට අයත් රටවල් අතුරින් වැඩිම බලපෑමක් එල්ල වූ රට බවට සයිප්රසය (Cyprus) පත්ව තිබේ. විශේෂයෙන්ම පසුගිය සතියේ සයිප්රසයේ පිහිටි බ්රිතාන්ය ගුවන් හමුදා කඳවුරක් (RAF Akrotiri) ඉලක්ක කර ගනිමින් එල්ල වූ ඩ්රෝන ප්රහාරයත් සමඟ, එරට සංචාරක කලාපයක් වන අයිියා නාපා (Ayia Napa) වෙත පැමිණීමට සිටි විදේශිකයන් සිය සංචාරක වෙන්කිරීම් (Bookings) විශාල වශයෙන් අවලංගු කරමින් සිටින බව වාර්තා වේ.
සයිප්රසය වසරකට සංචාරකයින් මිලියන 4ක් පමණ ආකර්ෂණය කරගන්නා අතර, ඉන් තුනෙන් එකක්ම බ්රිතාන්ය ජාතිකයෝ වෙති. එහෙත් වත්මන් යුද තත්ත්වය හමුවේ බ්රිතාන්ය විදේශ කාර්යාලය සිය සංචාරක උපදේශන යාවත්කාලීන කරමින් සයිප්රසය තුළ “ත්රස්ත ප්රහාර” එල්ල වීමේ අවදානමක් පවතින බවට අනතුරු අඟවා ඇත. මෙහි ප්රතිඵලයක් ලෙස පෙර වසරවලට සාපේක්ෂව හෝටල් සහ ජල ක්රීඩා ව්යාපාරවල ආදායම ශීඝ්රයෙන් පහත වැටෙමින් පවතින බව ව්යාපාරිකයෝ පවසති.
කෙසේ වෙතත්, දැනට සයිප්රසයේ රැඳී සිටින යුරෝපීය සංචාරකයින් පවසන්නේ ප්රදේශය තුළ සෘජු බියක් දක්නට නොමැති වුවද, යුද්ධය දිග්ගැස්සීම තමන්ට ගැටලුවක් විය හැකි බවයි. 1974 තුර්කි ආක්රමණයට මුහුණ දුන් ප්රදේශවාසීන් පවසන්නේ පවතින තත්ත්වය සාමාන්ය එකක් වුවද, සංචාරකයින් මිසයිල ප්රහාර සහ යුදමය දර්ශන දැකීමට අකමැති වීම කර්මාන්තයට බරපතල පහරක් බවයි.
සයිප්රස් සංචාරක නියෝජ්ය අමාත්ය කොස්ටාස් කුමිස් මහතා සඳහන් කළේ, අප්රේල් 5 වනදාට යෙදෙන පාස්කු උත්සවය වන විට යුද්ධය නතර වුවහොත් පමණක් මෙවර සංචාරක වාරය සාර්ථක කරගත හැකි වනු ඇති බවයි. එසේ නොවුණහොත් සයිප්රසයේ ආර්ථිකයට මෙයින් දැඩි බලපෑමක් එල්ල වනු ඇත.
