Daraz ශ්රී ලංකා ආයතනය, සිය වේදිකාව හරහා අලෙවි කරනු ලබන සෞඛ්ය සහ රූපලාවන්ය නිෂ්පාදනවල ප්රමිතිය හා ආරක්ෂාව තහවුරු කිරීමේ අරමුණින් ජාතික ඖෂධ නියාමන අධිකාරිය (NMRA) සමඟ එක්ව විශේෂ දැනුවත් කිරීමේ වැඩමුළුවක් පසුගියදා පවත්වන ලදී. පෙබරවාරි මාසය තුළ පැවැත්වුණු මෙම වැඩසටහනේ ප්රධාන අරමුණ වූයේ විද්යුත් වාණිජ (e-commerce) ක්ෂේත්රයේ නීතිමය රාමුව සහ නියාමන ක්රියාවලීන් පිළිබඳව Daraz අභ්යන්තර කණ්ඩායම් සහ විකුණුම්කරුවන් දැනුවත් කිරීමයි.
මෙම වැඩමුළුවේදී ජාතික ඖෂධ නියාමන අධිකාරියේ නිලධාරීන් විසින් ඖෂධ, වෛද්ය උපකරණ සහ රූපලාවන්ය නිෂ්පාදන නියාමනය කෙරෙන NMRA පනත පිළිබඳව Daraz කාර්ය මණ්ඩලය වෙත පුළුල් අවබෝධයක් ලබා දෙන ලදී. අන්තර්ජාලය හරහා අලෙවි කෙරෙන සෞඛ්ය නිෂ්පාදනවල ගුණාත්මකභාවය සහ ආරක්ෂාව සහතික කිරීමේ වැදගත්කම මෙන්ම මහජන සෞඛ්ය සුරැකීම සඳහා නියාමන අධිකාරිය ඉටුකරන කාර්යභාරය ද මෙහිදී විශේෂයෙන් අවධාරණය කෙරිණි.
Daraz ශ්රී ලංකා ආයතනයේ කළමනාකාර අධ්යක්ෂ රුක්ෂාන් සේවියර් මහතා ප්රකාශ කළේ, පාරිභෝගික විශ්වාසය ගොඩනැගීම සඳහා වේදිකාව තුළ නීතිමය ප්රමිතීන් උපරිමයෙන් පවත්වා ගැනීම අත්යවශ්ය බවයි. මෙම මගපෙන්වීම් හරහා විකුණුම්කරුවන්ගේ වගකීම් සහගතභාවය ඉහළ නැංවීමටත්, පාරිභෝගිකයින්ට පූර්ණ විශ්වාසයකින් යුතුව ආරක්ෂිත නිෂ්පාදන මිලදී ගැනීමට අවශ්ය වටපිටාව සකස් කිරීමටත් Daraz ආයතනය අඛණ්ඩව කැපවී සිටින බව ඔහු වැඩිදුරටත් සඳහන් කළේය.
