ඕස්ට්රේලියානු ක්රිකට් කණ්ඩායමේ හිටපු සුපිරි පිතිකරු ඩේවිඩ් වෝනර් (David Warner) බීමත්ව රිය පැදවීමේ චෝදනාව මත සිඩ්නි නුවරදී පොලිස් අත්අඩංගුවට පත්ව තිබේ. 39 හැවිරිදි වියේ පසුවන වෝනර්, නැගෙනහිර සිඩ්නි හි මරූබ්රා ප්රදේශයේදී සිදුකළ හදිසි රිය පරීක්ෂාවකදී මෙලෙස අත්අඩංගුවට ගෙන ඇත.
පොලිස් ස්ථානයේදී සිදුකළ දෙවන පරීක්ෂණයේදී ඔහු රුධිර මධ්යසාර සාන්ද්රණය 0.08 සහ 0.149 අතර පවතින “මධ්යම මට්ටමේ මධ්යසාර සාන්ද්රණය” (mid-range PCA) යටතේ වරදකරු වී ඇති බව වාර්තා වේ. නිව් සවුත් වේල්ස් නීතියට අනුව මෙය බරපතළ රථවාහන වරදක් ලෙස සැලකේ.
2024 වසරේදී ජාත්යන්තර ක්රිකට් පිටියෙන් සමුගත් වෝනර්, මේ වන විට පාකිස්තාන සුපර් ලීග් තරගාවලියේ කරච්චි කින්ග්ස් (Karachi Kings) කණ්ඩායමේ නායකයා ලෙස කටයුතු කරයි. ජනප්රිය ක්රීඩකයෙකු මෙවැනි සිදුවීමකට සම්බන්ධ වීම ඕස්ට්රේලියානු ක්රිකට් ලෝලීන් අතර දැඩි කතාබහට ලක්ව තිබේ.
