නිව්යෝර්ක් නුවර පදනම් කරගත් Daytona ආයතනයේ ප්රධාන විධායක නිලධාරී අයිවන් බුරාසින් (Ivan Burazin) මෑතකදී සමාජ මාධ්ය ඔස්සේ පළ කළ සටහනක් දැඩි කතාබහට ලක්ව තිබේ. මයික්රොසොෆ්ට් (Microsoft) වැනි දැවැන්ත ආයතනයක ඉහළ තනතුරු දැරූ, අතිදක්ෂ පුද්ගලයෙකු තම ආයතනයට බඳවාගෙන කෙටි කලකින් ඉවත් කිරීමට සිදුවූ හේතුව ඔහු එහිදී පැහැදිලි කර ඇත.
බුරාසින් පවසන පරිදි, මෙම සේවකයා ඉවත් කර ඇත්තේ දක්ෂතාවයේ අඩුවක් නිසා නොව, විශාල සමාගම් (Big Tech) සහ ස්ටාර්ට්අප් (Startups) ආයතන අතර පවතින සේවා සංස්කෘතියේ වෙනස නිසාය. මයික්රොසොෆ්ට් වැනි ස්ථානවල කළමනාකාරීත්වය හෝ වෙළෙඳපොළ මඟින් වැඩ කොටස සේවකයා වෙත ලබා දෙන (Push) නමුත්, කුඩා ස්ටාර්ට්අප් ආයතනයකදී සේවකයා විසින්ම තමන්ට අවශ්ය වැඩ සොයාගත (Hunt) යුතු බව ඔහු පෙන්වා දෙයි.
“ඔහු බලාපොරොත්තු වුණේ වැඩ තමන් වෙත ලැබෙන තුරුයි. ලැබෙන දේ හොඳින් කළත්, වැඩක් ලැබෙන්නේ නැති වෙලාවට ඔහු කිසිවක් කළේ නැහැ. කුඩා ස්ටාර්ට්අප් එකකදී කවුරුවත් ඔබට කෑම කවන්නේ නැහැ, ඔබම දඩයම් කළ යුතුයි,” යනුවෙන් බුරාසින් සිය X (ට්විටර්) ගිණුමේ සඳහන් කර තිබේ. විශාල සමාගම්වල ව්යූහගත පරිසරයට හුරු වූවන්, ස්ටාර්ට්අප් ආයතනවල පවතින අවිනිශ්චිත සහ ස්වාධීන සේවා පරිසරයට හැඩගැසීමේ අපහසුව මෙමඟින් මැනවින් පිළිඹිබු වන බව ව්යාපාරික ක්ෂේත්රයේ විචාරකයෝ පවසති.
