දිල්ලි අගනුවරදී මණිපුර් ප්රාන්තයේ තරුණියකට සහ ඇයගේ මිතුරෙකුට එල්ල වූ ජාතිවාදී ප්රහාරයක් සම්බන්ධයෙන් බාලවයස්කරුවන් සිව්දෙනෙකු (Juveniles) අත්අඩංගුවට ගත් බව දිල්ලි පොලිසිය අද (09) තහවුරු කළේය. දකුණු දිල්ලි නියෝජ්ය පොලිස් කොමසාරිස්වරයා X පණිවිඩයක් නිකුත් කරමින් සඳහන් කළේ ඉකුත් ඉරිදා මෙම සිදුවීම වාර්තා වූ බවයි.
ඉන්දියාවේ ඊසානදිග ප්රාන්තවලින් පැමිණෙන ජනතාවට දිල්ලිය වැනි නගරවලදී මුහුණ දීමට සිදුවන ජාතිවාදී හිරිහැර සහ ප්රහාරවල තවත් එක් අවස්ථාවක් ලෙස මෙය වාර්තා වේ. මෙම ප්රහාරය සම්බන්ධයෙන් දැඩි ලෙස කෝපයට පත් මේඝාලය මහ ඇමති කොන්රඩ් සන්ග්මා (Conrad Sangma) ප්රකාශ කළේ, ඊසානදිග ජනතාවට එරෙහි මෙවැනි ජාතිවාදී අපහාසයන් රටේ “නව සාමාන්ය තත්ත්වය” (New normal) ලෙස පිළිගත නොහැකි බවයි.
මෙම සිදුවීමත් සමඟ ඉන්දියාවේ ප්රධාන නගරවල ජීවත් වන ඊසානදිග ප්රාන්තවල වැසියන්ගේ ආරක්ෂාව පිළිබඳව යළිත් කතාබහක් නිර්මාණය වී තිබේ. අත්අඩංගුවට ගත් සැකකරුවන් බාලවයස්කරුවන් වීම හේතුවෙන් ඔවුන් සම්බන්ධයෙන් නීතිමය පියවර ගැනීම බාලවයස්කාර යුක්ති අධිකරණය හරහා සිදුවීමට නියමිතය.
