ඩෙන්මාර්කයේ ඊයේ (2026 මාර්තු 24) පැවැති මහ මැතිවරණයෙන් වත්මන් අග්රාමාත්ය මෙට් ෆ්රෙඩ්රික්සන් (Mette Frederiksen) මහත්මියගේ සමාජ ප්රජාතන්ත්රවාදී පක්ෂය (Social Democrats) වැඩිම ඡන්ද සංඛ්යාව දිනා ගැනීමට සමත් වුවද, වසර සියයකට පසු එම පක්ෂය ලැබූ දුර්වලම ප්රතිඵලය වාර්තා කරමින් බහුතර බලය අහිමි කරගෙන තිබේ. අද (2026 මාර්තු 25) පෙරවරුවේ නිකුත් වූ නිල ප්රතිඵල අනුව, එම පක්ෂය ලබාගෙන ඇත්තේ 21.9%ක ඡන්ද ප්රතිශතයක් පමණි.
ඩෙන්මාර්ක පාර්ලිමේන්තුවේ (Folketing) මුළු ආසන 179න් බහුතරය සඳහා ආසන 90ක් අවශ්ය වුවද, කිසිදු පාර්ශවයකට එම සීමාව පසු කිරීමට හැකි වී නැත. මෙහිදී වම් පක්ෂ නියෝජනය කරන “රතු පිල” (Red bloc) ආසන 84ක් ද, දකුණේ “නිල් පිල” (Blue bloc) ආසන 77ක් ද ලබාගෙන තිබේ. ඒ අනුව, ආසන 14ක් දිනාගත් හිටපු අගමැති ලාස් ලොක්කේ රස්මුසන්ගේ (Lars Løkke Rasmussen) මධ්යස්ථ මතධාරී “Moderates” පක්ෂය රජයක් පිහිටුවීමේ තීරණාත්මක සාධකය (Kingmaker) බවට පත්ව ඇත.
