රජයේ වෛද්ය නිලධාරීන්ගේ සංගමයට පවතින්නේ වෘත්තීය ගැටලුවකට වඩා දේශපාලනමය ගැටලුවක් බැවින් එය විසඳීමට රජයට හැකියාවක් නොමැති බව සෞඛ්ය නියෝජ්ය අමාත්ය වෛද්ය හංසක විජයමුණි මහතා ප්රකාශ කළේය. වෛද්යවරුන්ගේ සැබෑ ගැටලු සහ රජයේ වෛද්ය නිලධාරීන්ගේ සංගමයේ දේශපාලන න්යාය පත්රයන් වෙන් කර හඳුනා ගැනීමට රජයට නිසි අවබෝධයක් පවතින බව ඊයේ (12) මාධ්ය වෙත අදහස් දක්වමින් ඔහු සඳහන් කර සිටියේය. එම සංගමය වර්තමානයේ දේශපාලන සංවිධානයක් ලෙස ක්රියා කරන බව පෙන්වා දුන් නියෝජ්ය අමාත්යවරයා, ඔවුන් පවසන වර්ජන ක්රියාමාර්ග රෝහල් පද්ධතිය තුළ ක්රියාත්මක නොවන බවත් රෝහල්වල සේවා කටයුතු සාමාන්ය පරිදි සිදුවෙමින් පවතින බවත් අවධාරණය කළේය. රජයේ වෛද්ය නිලධාරීන්ගේ සංගමයේ වෘත්තීය ක්රියාමාර්ග රජයට මෙතෙක් දැනිලා නොමැති බවත්, එම ක්රියාමාර්ග දිනෙන් දින දියවෙමින් පවතින බවත් පවසමින් ඔහු එම සංගමයේ ක්රියාකලාපය විවේචනයට ලක් කළේය.
