ත්රිකුණාමලයේ බුදු පිළිම වහන්සේ නමකට සම්බන්ධව මෑතකදී ඇති වූ සිදුවීම, රට තුළ නොසන්සුන්කාරී තත්ත්වයක් ඇති කිරීම සඳහා රජය විසින් හිතාමතාම උපයෝගී කරගත් උපක්රමයක් බව සර්වජන බලය නායක, පාර්ලිමේන්තු මන්ත්රී දිලිත් ජයවීර මහතා අද (13) චෝදනා කළේය.
කොළඹදී පැවැති මාධ්ය හමුවකට එක්වෙමින් මන්ත්රීවරයා කියා සිටියේ, රට තුළ ක්රියාත්මක වන මෙම සංවිධානාත්මක සංස්කෘතික ප්රහාරය තමන් දැඩි ලෙස හෙළා දකින බවයි. “ත්රිකුණාමලයේ සිද්ධිය එක් උදාහරණයක් පමණයි. ඇත්ත වශයෙන්ම මීට වඩා බරපතල සිදුවීම් රැසක් සිදුවෙමින් පවතිනවා,” යැයි ඔහු සඳහන් කළේය.
මෙම සිදුවීම් හරහා ජනවාර්ගික සමගිය අඩපණ කර රට අස්ථාවර කිරීමට රජය උත්සාහ කරන බවත්, මෙය පාලකයන් විසින් සැලසුම් සහගතව මෙහෙයවන “මෙවලමක්” බව තමන්ට පැහැදිලිව පෙනෙන්නට තිබෙන බවත් ඔහු වැඩිදුරටත් අවධාරණය කළේය.
