බුද්ධශාසන සභාවේ සිව්වැනි රැස්වීම ඊයේ (10) පස්වරුවේ බුද්ධශාසන, ආගමික හා සංස්කෘතික කටයුතු අමාත්යාංශයේදී පැවැත්වුණු අතර එහිදී “දිට්වා” (DITVA) සුළි කුණාටුවෙන් හානියට පත් විහාරස්ථාන නැවත නගාසිටුවීමේ වැඩසටහනේ වත්මන් ප්රගතිය පිළිබඳව දීර්ඝ වශයෙන් සාකච්ඡා කෙරිණි. ආචාර්ය පූජ්ය පහමුණේ සුමංගල නායක ස්වාමීන්ද්රයන්වහන්සේගේ මූලිකත්වයෙන් සහ අමාත්ය ආචාර්ය හිනිදුම සුනිල් සෙනෙවි මහතාගේ ප්රධානත්වයෙන් පැවති මෙම රැස්වීමේදී ජාතික වෙසක් උත්සවයේ සංවිධාන කටයුතු, “යතිවර නිවහන” වැඩසටහන සහ බෞද්ධ කටයුතු දෙපාර්තමේන්තුවේ දත්ත පද්ධතිය සම්පාදනය කිරීමේ ප්රගතිය පිළිබඳව ද අවධානය යොමු විය. බුද්ධ ශාසනයේ උන්නතිය වෙනුවෙන් ඉදිරියට ක්රියාත්මක කළ යුතු වැඩසටහන් පිළිබඳව ද මෙහිදී වැදගත් තීරණ කිහිපයක් ගෙන තිබේ.
