ඉඩම් රාජකාරී ඉටු කිරීමේදී එල්ල වන අනිසි දේශපාලන මැදිහත්වීම් සම්බන්ධයෙන් ශ්රී ලංකා ප්රාදේශීය ලේකම්වරුන්ගේ හා සහකාර ප්රාදේශීය ලේකම්වරුන්ගේ සංගමය සිය දැඩි විරෝධය පළ කර තිබේ. කෘෂිකර්ම, පශු සම්පත්, ඉඩම් හා වාරිමාර්ග අමාත්යාංශයේ ලේකම්වරයා වෙත ලිපියක් යොමු කරමින් ඔවුන් පෙන්වා දෙන්නේ, නියෝජ්ය අමාත්යවරයාගේ පෞද්ගලික ලේකම්වරයා විසින් විවිධ ප්රාදේශීය ලේකම්වරුන් වෙත බලපෑම් සහගත ලිපි යොමු කරන බවයි. මෙවැනි ක්රියා නිසා ඉඩම් ආරවුල් සම්බන්ධයෙන් විනිවිධභාවයෙන් යුතුව තීරණ ගැනීමට බාධා එල්ල වන බව සංගමය අවධාරණය කරයි.
මෙම තත්ත්වය මඟහරවා ගැනීම සඳහා ඉඩම් ගැටලු යොමු කිරීමටත්, දේශපාලන අධිකාරිය සමඟ සම්බන්ධීකරණය වීමටත් විධිමත් යාන්ත්රණයක් සකස් කරන ලෙස ඔවුහු ඉල්ලා සිටිති. දේශපාලනඥයන්ගේ පෞද්ගලික කාර්ය මණ්ඩල වෙනුවට අමාත්යාංශයේ නිසි බලයලත් නිලධාරියෙකු හරහා කටයුතු කිරීමේ අවශ්යතාව ඔවුන් පෙන්වා දෙයි. මෙවැනි අහිතකර මැදිහත්වීම් දිගින් දිගටම සිදුවුවහොත් රාජ්ය යාන්ත්රණය කෙරෙහි ජනතාව තබා ඇති විශ්වාසය පළුදු වන බව ද එම සංගමය වැඩිදුරටත් අනතුරු අඟවයි.
