ඉඩම් රාජකාරි ඉටු කිරීමේදී සිදුවන අනවශ්ය දේශපාලන මැදිහත්වීම් වහාම වළක්වන ලෙස ඉල්ලා ශ්රී ලංකා ප්රාදේශීය ලේකම්වරුන්ගේ සහ සහකාර ප්රාදේශීය ලේකම්වරුන්ගේ සංගමය කෘෂිකර්ම, පශු සම්පත්, ඉඩම් හා වාරිමාර්ග අමාත්යාංශයේ ලේකම්වරයා වෙත ලිපියක් යොමු කර ඇත.
ප්රාදේශීය ලේකම්වරුන් චෝදනා කරන්නේ ඉඩම් හා වාරිමාර්ග නියෝජ්ය අමාත්යවරයාගේ පෞද්ගලික ලේකම්වරයා විසින් අවස්ථා කිහිපයකදීම නිල රාජකාරි කටයුතු සඳහා බලපෑම් සහගත ලෙස ලිපි යොමු කර ඇති බවයි. මෙවැනි දේශපාලන මැදිහත්වීම් හේතුවෙන් රාජකාරි කටයුතු ස්වාධීනව සහ විනිවිදභාවයකින් යුතුව පවත්වාගෙන යාමට බාධා මතු වී ඇති බව එම සංගමය පෙන්වා දෙයි.
රාජ්ය සේවයේ ගෞරවය සහ ස්වාධීනත්වය ආරක්ෂා කිරීම සඳහා මෙම තත්ත්වය පිළිබඳව වහාම සොයා බලා අවශ්ය පියවර ගන්නා ලෙස ප්රාදේශීය ලේකම්වරුන් අමාත්යාංශ ලේකම්වරයාගෙන් වැඩිදුරටත් ඉල්ලා සිටියි.
