මැදපෙරදිග කලාපයේ පවතින උණුසුම් යුද වාතාවරණය මධ්යයේ, ඩුබායිහි ප්රකට බිලියනපති ව්යාපාරිකයෙකු වන ඛලාෆ් අහමඩ් අල් හබ්තූර් (Khalaf Ahmad Al Habtoor), ඇමරිකානු ජනාධිපති ඩොනල්ඩ් ට්රම්ප් වෙත දැඩි විවේචනයක් එල්ල කර තිබෙනවා. අමෙරිකාව සහ ඊශ්රායලය එක්ව ටෙහෙරානයට එල්ල කළ ප්රහාරයන්ට ප්රතිචාර වශයෙන් එක්සත් අරාබි එමීර් රාජ්යයේ පිහිටි ඇමරිකානු කඳවුරු වෙත ඉරානය ප්රහාර එල්ල කිරීමෙන් පසු ඔහු මෙම ප්රශ්න කිරීම සිදුකර තිබීම විශේෂත්වයක්.
එක්ස් (X) සමාජ මාධ්ය ජාලය හරහා පණිවිඩයක් නිකුත් කරමින් අල් හබ්තූර් ප්රශ්න කර සිටින්නේ, “අපගේ කලාපය ඉරානය සමඟ යුද්ධයකට ඇද දැමීමට ඔබට බලය ලබා දුන්නේ කවුද?” යනුවෙනුයි. මෙවැනි භයානක තීරණයක් ගැනීමට පෙර ඉන් සිදුවිය හැකි අතුරු හානිය සහ එමඟින් කලාපීය රටවල් මුහුණ දෙන දැඩි පීඩනය පිළිබඳව ජනාධිපති ට්රම්ප් ගණන් බලා තිබේද යන්න ඔහු විමසා සිටිනවා. ගල්ෆ් සහ අරාබි රටවල් තමන් තෝරා නොගත් අනතුරක් වෙත තල්ලු කර ඇති බවත්, කලාපය යුධ පිටියක් බවට පත් කිරීමට අවසර ලබා දුන්නේ කවුද යන්න ප්රධාන ප්රශ්නයක් බවත් ඔහු පෙන්වා දෙනවා.
සාමය සහ ස්ථාවරත්වය වෙනුවෙන් ට්රම්ප් විසින් මීට පෙර හඳුන්වා දුන් “සාම මණ්ඩල” (Board of Peace) වැනි මූලාරම්භයන් පිළිබඳව ද අදහස් දක්වමින් බිලියනපති ව්යාපාරිකයා පවසන්නේ, එම පොරොන්දු ඇතුළත් තීන්ත වේලීමටත් පෙර කලාපය යුද අවදානමකට ලක් කර ඇති බවයි. මෙම තීරණය මැදපෙරදිග වැසියන්ට පමණක් නොව, සාමය සහ සමෘද්ධිය අපේක්ෂා කළ ඇමරිකානු ජනතාවට ද තර්ජනයක් බව ඔහු වැඩිදුරටත් අවධාරණය කර සිටිනවා.
