එක්සත් අරාබි එමීර් රාජ්යයේ ඩුබායි හි පිහිටි දැවැන්ත විනෝද උද්යාන සංකීර්ණයක් වන ‘Dubai Parks and Resorts’ අද (2026 මාර්තු 25) සිට නැවත දැනුම් දෙන තුරු තාවකාලිකව වසා දැමූ බව නිල වශයෙන් නිවේදනය කර තිබේ. කලාපයේ පවතින ආරක්ෂක තත්ත්වය (අමෙරිකා-ඉරාන ගැටුම) සැලකිල්ලට ගනිමින් බලධාරීන් ලබා දී ඇති උපදෙස් මත පූර්ව ආරක්ෂක පියවරක් ලෙස මෙම තීරණය ගෙන ඇත. මෙයට Motiongate Dubai, LEGOLAND Dubai, LEGOLAND Water Park සහ Real Madrid World යන සියලුම අංශ ඇතුළත් වේ. දැනටමත් ප්රවේශ පත්ර මිලදී ගෙන ඇති හෝ වෙන් කිරීම් (Bookings) සිදු කර ඇති පුද්ගලයින්ට එම ප්රවේශ පත්ර පිළිබඳ තොරතුරු සහ මුදල් ආපසු ලබා ගැනීම සඳහා ඩුබායි පාර්ක්ස් ඇන්ඩ් රිසෝර්ට්ස් පාරිභෝගික සේවා මධ්යස්ථානය (Call Center) සම්බන්ධ කර ගන්නා ලෙස උපදෙස් දී ඇත.
උද්යානය නැවත විවෘත කරන දිනයක් මෙතෙක් ප්රකාශයට පත් කර නොමැති අතර නවතම තොරතුරු සඳහා නිල වෙබ් අඩවිය හෝ සමාජ මාධ්ය පිටු පරීක්ෂා කරන ලෙස සංචාරකයින්ගෙන් ඉල්ලා සිටී. ඩුබායි හි අනෙකුත් ප්රධාන ස්ථාන වන Global Village සහ Ain Dubai ද මෙම ආරක්ෂක හේතූන් මත දැනට වසා දමා ඇත. කෙසේ වෙතත් ඩුබායි හි එදිනෙදා ජීවිතය සහ සාප්පු සංකීර්ණ සාමාන්ය පරිදි ක්රියාත්මක වන බව බලධාරීන් අවධාරණය කරයි.
