ඩුබායි පාලක, එක්සත් අරාබි එමීර් රාජ්යයේ උප සභාපති සහ අග්රාමාත්ය අතිගරු ෂෙයික් මොහොමඩ් බින් රෂීඩ් අල් මක්ටූම් (Sheikh Mohammed bin Rashid Al Maktoum) මහතා විසින් එරට පුරවැසියන් වෙනුවෙන් ඩිරාම් බිලියන 5.3ක් (ඇමෙරිකානු ඩොලර් බිලියන 1.4ක්) වටිනා නේවාසික ඉඩම් කොටස් 4,631ක් ලබාදීමට අද (18) අනුමැතිය ලබා දී තිබේ.
ඩුබායි හි අල් අයියාස් (Al Ayyas), ලතීෆා සිටි (Latifa City) සහ මුෂ්රිෆ් (Mushrif) යන ප්රදේශවල වර්ග අඩි මිලියන 71කට අධික භූමි ප්රමාණයක් මෙම ව්යාපෘතිය යටතේ වෙන් කර ඇත
පුරවැසියන්ගේ නිවාස ස්ථාවරත්වය සහ සුභසාධනය තහවුරු කිරීම මෙහි මූලික අරමුණ වන අතර ලබන සතියේ සිට ‘DubaiNow’ ජංගම යෙදවුමේ ඇති “Emarati” වේදිකාව හරහා මෙම ඉඩම් කොටස් වෙන් කරවා ගැනීමට අවස්ථාව හිමි වේ
ගෝලීය වශයෙන් ඉරාන-ඇමෙරිකානු යුද වාතාවරණය හමුවේ ආර්ථික අවිනිශ්චිතතාවයක් පවතින පසුබිමක වුවද එක්සත් අරාබි එමීර් රාජ්යය සිය පුරවැසියන් වෙනුවෙන් මෙවැනි මහා පරිමාණ ආයෝජන සිදු කිරීම ජාත්යන්තර අවධානයට ලක්ව තිබේ
මෙම තත්ත්වය සැලකිල්ලට ගෙන අද දින මෙරට පාර්ලිමේන්තුවේදී ද නාමල් රාජපක්ෂ මන්ත්රීවරයා අවධාරණය කළේ විදේශයන්හි වෙසෙන ශ්රී ලාංකිකයන්ගේ ආරක්ෂාව සහ සුභසාධනය පිළිබඳව රජය දැඩි අවධානයෙන් පසුවිය යුතු බවයි. අද පස්වරුවේ පවතින අකුණු සහ තද වැසි සහිත කාලගුණය මධ්යයේ වුවද මැදපෙරදිග කලාපයේ සිදුවන මෙම ආර්ථික පෙරළිය පිළිබඳව මෙරට මූල්ය අංශ ද විමසිල්ලෙන් පසුවේ.
