ඩුබායි හි වසල් විලේජ් ප්රදේශයේ වාහන කළමනාකරණය විධිමත් කිරීම සඳහා නව ගෙවන වාහන නැවැත්වීමේ පද්ධතියක් (Paid Parking) හඳුන්වා දී තිබේ. ‘Parkin’ ආයතනය විසින් ක්රියාත්මක කරනු ලබන මෙම සේවාව යටතේ අදාළ කලාපය සඳහා 248W කේතය ලබා දී ඇති අතර පාරිභෝගිකයන්ට පහසුවෙන් හඳුනාගත හැකි වන පරිදි දැන්වීම් පුවරු ද ප්රදර්ශනය කර ඇත.
මෙම නව පද්ධතිය යටතේ වාහන නැවැත්වීමේ ගාස්තු පැය භාගයක් සඳහා ඩිරාම් 2 ක් ද, පැය 1 ක් සඳහා ඩිරාම් 4 ක් ද, පැය 2 ක් සඳහා ඩිරාම් 8 ක් ද වශයෙන් නියම කර තිබේ. එසේම පැය 3 ක් සඳහා ඩිරාම් 12 ක් සහ පැය 4 ක් සඳහා ඩිරාම් 16 ක් අය කෙරේ. වසල් විලේජ් හි මෙම ගාස්තු සතියේ දින හතේම පැය 24 පුරා ක්රියාත්මක වන බව බලධාරීන් අවධාරණය කරයි.
නිතර වාහන නවත්වන පරිශීලකයන්ගේ පහසුව වෙනුවෙන් විශේෂ දායකත්ව සැලසුම් (Subscription plans) ද හඳුන්වා දී ඇත. ඒ අනුව මාස 3 ක් සඳහා ඩිරාම් 900 ක් ද, මාස 6 ක් සඳහා ඩිරාම් 1,800 ක් ද, වසරක් සඳහා ඩිරාම් 3,600 ක් ද වශයෙන් එම සැලසුම් ක්රියාත්මක වේ.
ඉදිරි රාමසාන් සමය වෙනුවෙන් විශේෂ වේලාවන් ප්රකාශයට පත් කර ඇති අතර එහිදී සඳුදා සිට සෙනසුරාදා දක්වා පෙ.ව. 8 සිට ප.ව. 6 දක්වා සහ ප.ව. 8 සිට මධ්යම රාත්රී 12 දක්වා පමණක් ගාස්තු අය කෙරේ. ඉරිදා දිනවල සහ රජයේ නිවාඩු දිනවල වාහන නැවැත්වීම නොමිලේ වේ. එසේම අල් ඛයිල් ගේට් (Al Khail Gate) සහ වසල් ග්රීන් පාර්ක් (Wasl Green Park) වැනි ස්ථානවල පැය 24 පුරාම නොමිලේ වාහන නැවැත්වීමේ පහසුකම තවදුරටත් හිමි වේ.
