ශ්රී ලංකා යොවුන් තුන් ඉරියව් ක්රීඩක දුනිත් වෙල්ලාලගේ පාකිස්ථාන සුපර් ලීග් (PSL) තරගාවලිය සඳහා ක්රීඩා කිරීමට සූදානම් වන බව වාර්තා වේ. ජාත්යන්තර ක්රිකට් වාර්තාවලට අනුව, ඔහු ප්රබල ලාහෝර් කලැන්ඩර්ස් (Lahore Qalandars) කණ්ඩායම සමඟ එක්වීමට නියමිතව ඇත්තේ ආදේශක ක්රීඩකයෙකු වශයෙනි.
බටහිර ඉන්දීය කොදෙව් දඟ පන්දු යවන ක්රීඩක ගුඩකේෂ් මෝටි (Gudakesh Motie) තරගාවලියෙන් ඉවත් වීමට තීරණය කර ඇති බැවින්, ඒ වෙනුවට දුනිත් වෙල්ලාලගේව කණ්ඩායමට ඇතුළත් කර ගැනීමට එම සංචිතය තීරණය කර තිබේ. මෙය දුනිත් වෙල්ලාලගේ පාකිස්ථාන සුපර් ලීග් තරගාවලියක් සඳහා තේරී පත් වූ ප්රථම අවස්ථාව ලෙස ඉතිහාසයට එක් වනු ඇත.
ශ්රී ලංකා ජාතික කණ්ඩායමේ සීමිත පන්දුවාර කණ්ඩායමේ ස්ථාවර ස්ථානයක් දිනා සිටින වෙල්ලාලගේ, සිය වමත් දඟ පන්දුවෙන් මෙන්ම පිතිකරණයෙන් ද මෑතකාලීනව ඉහළ දස්කම් දක්වා ඇත. ලාහෝර් කලැන්ඩර්ස් කණ්ඩායම විසින් මේ පිළිබඳ නිල නිවේදනය ඉදිරි පැය කිහිපය තුළ නිකුත් කිරීමට නියමිතය.
