රාමසාන් උපවාස කාලයෙන් පසු එළඹෙන ඊදුල් ෆිතර් උත්සවය වෙනුවෙන් එක්සත් අරාබි එමීර් රාජ්යය පුරා වෙසෙන මුස්ලිම් බැතිමතුන් මහත් උද්යෝගයකින් සූදානම් වන බව ‘ගල්ෆ් නිව්ස්’ වාර්තා කරයි. උදෑසන විශේෂ ඊද් යාච්ඤාවෙන් දවස ආරම්භ වන අතර ඉන්පසු ශාහි ටුක්ඩා, බුනා ගෝෂ්ට් සහ බිරියානි වැනි සාම්ප්රදායික ආහාරවලින් පිරි සංග්රහයන් පැවැත්වේ. වැඩිහිටියන් විසින් කුඩා ළමයින්ට ආශිර්වාද පතා මුදල් හෝ තෑගි ලබා දීමේ ‘ඊදියා’ සම්ප්රදාය මෙවර ද උත්සවයේ වඩාත් උද්යෝගිමත් අංගය වී තිබේ. ඩුබායි සහ සාජා වැනි නගරවල වෙසෙන පවුල් තම ඥාතීන් සමඟ එක්ව දිවා ආහාර සහ රාත්රී භෝජන සංග්රහ පවත්වමින් සති අන්තය පුරා මෙම උත්සවය සැමරීමට සැලසුම් කර ඇති අතර සාප්පු සංකීර්ණ සහ පොදු ස්ථානවල පැවැත්වෙන විශේෂ සැමරුම් සහ ගිනිකෙළි සංදර්ශන හේතුවෙන් මුළු නගරයම උත්සව සිරියෙන් බැබළෙන බව පදිංචිකරුවෝ පවසති.
