ශ්රී ලංකාවේ වේගයෙන් පරිභෝජනය වන භාණ්ඩ ක්ෂේත්රයේ සුවිශේෂී සන්ධිස්ථානයක් සනිටුහන් කරමින්, එලිෆන්ට් හවුස් අයිස්ක්රීම් සමාගම Elephant House Wonder සහ IMORICH යන සන්නාම යටතේ නවතම නිෂ්පාදන පෙළක් වෙළඳපොළට හඳුන්වා දී තිබේ. අවිස්සාවේල්ලේ පිහිටි CCS සමාගමේ නවීන නිෂ්පාදන කර්මාන්තශාලාවේ ස්ථාපනය කර ඇති උසස් Extrusion තාක්ෂණය භාවිතයෙන් මෙම නිෂ්පාදන නිපදවා ඇති අතර, එමඟින් දේශීය අයිස්ක්රීම් වෙළඳපොළේ ගුණාත්මකභාවය සහ විවිධත්වය සම්බන්ධයෙන් නව ප්රමිතියක් ඇති කිරීමට සමාගම සමත් වී ඇත.
මෙම නව තාක්ෂණය මඟින් ස්තර කිහිපයකින් සමන්විත, මැද රසවත් පිරවුම් සහිත, විවිධ හැඩතලවලින් යුත් සහ චොකලට් ආලේපිත අයිස්ක්රීම් මහා පරිමාණයෙන් නිෂ්පාදනය කළ හැකි වේ. ඒ අනුව අයිස්ක්රීම් කේක්, විවිධ ලාංඡන සහිත අයිස්ක්රීම් සහ Frozen Sandwiches වැනි ජාත්යන්තර මට්ටමේ නව නිෂ්පාදන රැසක් දැන් දේශීය පාරිභෝගිකයාට අත්විඳිය හැකිය. John Keells පාරිභෝගික ආහාර අංශයේ සභාපති දමින්ද ගම්ලත් මහතා ප්රකාශ කළේ, මෙම ආයෝජනය ශ්රී ලංකාවේ නිෂ්පාදන විශිෂ්ටත්වය ඉහළ නැංවීමටත්, දේශීය පාරිභෝගිකයන්ට ජාත්යන්තර මට්ටමේ අත්දැකීම් ලබා දීමටත් සමාගම සතු දිගුකාලීන කැපවීම විදහා දක්වන්නක් බවයි. නිරන්තර නවෝත්පාදන හරහා අනාගතයේදී තවත් නව රසයන් රැසක් වෙළඳපොළට හඳුන්වා දීමට එලිෆන්ට් හවුස් සමාගම සැලසුම් කර තිබේ.
