ලොව සුපිරි ධනවතෙකු වන එලෝන් මස්ක් විසින් 2022 වසරේදී ට්විටර් (Twitter) සමාගම අත්පත් කරගැනීමේ ක්රියාවලිය අතරතුර සිදු කරන ලද ඇතැම් ප්රකාශ මහජනයා සහ ආයෝජකයින් හිතාමතාම නොමග යැවීම සඳහා සිදු කළ ඒවා බවට සැන් ෆ්රැන්සිස්කෝ ෆෙඩරල් අධිකරණයේ ජූරි සභාවක් විසින් ඒකමතිකව තීන්දු කර තිබේ. දින දෙකක දීර්ඝ සාකච්ඡාවලින් අනතුරුව මෙම තීන්දුව ප්රකාශයට පත් කර ඇති අතර, ට්විටර් ආයෝජකයින් පිරිසක් විසින් පවරා තිබූ මෙම නඩුවේදී ඔවුන් පෙන්වා දී තිබුණේ මස්ක්ගේ ප්රකාශ මත විශ්වාසය තබා කටයුතු කිරීමෙන් තමන්ට මූල්යමය පාඩු සිදු වූ බවයි. විශේෂයෙන්ම ට්විටර් හි පරිශීලක දත්ත (User Data) සම්බන්ධ ගැටලු පවතින බව පවසමින් ඩොලර් බිලියන 44ක එම දැවැන්ත ගනුදෙනුවෙන් ඉවත් විය හැකි බවට ඔහු කළ ප්රකාශ සම්බන්ධයෙන් මෙහිදී දැඩි අවධානයක් යොමු වූ අතර එම ප්රකාශ නොමග යවන සුළු ඒවා බව ජූරි සභාවේ නිගමනය වී තිබේ.
