ලොව ධනවත්ම පුද්ගලයා වන එලොන් මස්ක්ගේ ශුද්ධ වත්කම ඇමරිකානු ඩොලර් බිලියන 832.1 දක්වා ඉහළ ගොස් ඇති අතර, ඔහු ලොව පළමු ට්රිලියනපතියා වීමේ මාවතට පිවිස සිටී. ෆෝබ්ස් (Forbes) වාර්තාවලට අනුව මස්ක්ගේ වත්කම ලොව බිලියනපතියන් 693 දෙනෙකුගේ ඒකාබද්ධ වත්කමට වඩා වැඩි අගයක් ගනී. එසේම ජෙෆ් බෙසොස්, මාර්ක් සකර්බර්ග්, ලැරී එලිසන් සහ වොරන් බෆට් යන සිව්දෙනාගේම මුළු වත්කමට වඩා ඩොලර් බිලියන 54ක් වැඩි වත්කමක් මස්ක් සතු වන අතර, ඔහු ලොව දෙවන ධනවතා වන ලැරී පේජ්ට වඩා තුන් ගුණයකින් පොහොසත් බව ද එම වාර්තා පෙන්වා දෙයි.
