ලොව දීර්ඝතම කාලයක් පුරා පවත්වනු ලබන ජාත්යන්තර ගීත තරඟාවලිය වන යුරෝවිෂන් (Eurovision Song Contest), සිය 70 වන සංවත්සරය සනිටුහන් කරමින් ප්රථම වරට ආසියානු කලාපය සඳහා වන සුවිශේෂී සංස්කරණයක් ආරම්භ කරන බව අද (01) නිවේදනය කළේය.
දකුණු කොරියාව, තායිලන්තය සහ පිලිපීනය ඇතුළු ආසියානු කලාපයේ රටවල් 10ක් දැනටමත් මෙම තරඟාවලියට සහභාගී වන බව තහවුරු කර ඇති අතර, තවත් රටවල් කිහිපයක් ඉදිරියේදී එක්වීමට නියමිතය. මෙම රටවල් මුලින්ම තම මව් රට තුළ ජාතික මට්ටමේ තේරීම් පරීක්ෂණ පවත්වා ඉන් ජයග්රහණය කරන කණ්ඩායම්, 2026 නොවැම්බර් 14 වනදා තායිලන්තයේ බැංකොක් නුවර පැවැත්වෙන අවසන් මහා තරඟය සඳහා ඉදිරිපත් කරනු ඇත.
යුරෝපීය විකාශන සංගමයේ (EBU) අධ්යක්ෂ මාටින් ග්රීන් (Martin Green) ප්රකාශ කළේ, නිර්මාණශීලීත්වයෙන් සහ කුසලතාවලින් පිරිපුන් ආසියානු කලාපය සමඟ මෙම නව පරිච්ඡේදය ආරම්භ කිරීම ඉතා වැදගත් වන බවයි. මේ වන විටත් සමාජ මාධ්ය ජාලාවල ආසියානු සංගීත ලෝලීන් අතර මේ පිළිබඳව දැඩි උද්යෝගයක් නිර්මාණය වී ඇති අතර, චීනය සහ ජපානය වැනි ප්රධාන රටවල් මෙයට එක්වන්නේ කවදාද යන්න පිළිබඳව ද බොහෝ දෙනා අවධානයෙන් පසුවේ.
