ෆ්ලොරිඩා ප්රාන්තයේ මුවර් හේවන් (Moore Haven) හි ග්ලේඩ්ස් කවුන්ටි (Glades County) රැඳවුම් මධ්යස්ථානයේ රඳවා සිටි රෝයර් පෙරේස් ජිමිනෙස් (Royer Perez Jimenez) නමැති 19 හැවිරිදි තරුණයා පසුගිය සඳුදා මියගොස් තිබේ. මෙය සියදිවි නසාගැනීමක් බවට සැක කරන අතර, එදින අලුයම සිහිසුන්ව සිටියදී හමුවූ ඔහු යථා තත්ත්වයට පත් කිරීමට නිලධාරීන් විනාඩි 10ක් පමණ උත්සාහ කළ ද එය අසාර්ථක වූ බව ICE ආයතනය තහවුරු කළේය.
මෙම තරුණයා 2022 වසරේදී ඇමරිකාවට ඇතුළු වී නැවත මෙක්සිකෝවට පිටුවහල් කර ඇති අතර, පසුව නීති විරෝධී ලෙස නැවත ඇමරිකාවට ඇතුළු වී තිබේ. පොලිස් නිලධාරියෙකු ලෙස පෙනී සිටීම සහ නිලධාරීන්ගේ රාජකාරියට බාධා කිරීම යන චෝදනා මත ඔහු අත්අඩංගුවට ගෙන මෙම රැඳවුම් මධ්යස්ථානයේ රඳවා සිට ඇත. මෙය දෙවන ට්රම්ප් පාලන සමය තුළ ඇමරිකානු ආගමන විගමන අංශය භාරයේ සිටියදී සිදුවූ ලාබාලතම මරණය ලෙස ද වාර්තා වේ.
පසුගිය වසරේදී (2025) පමණක් මෙලෙස ICE භාරයේ සිටියදී පුද්ගල මරණ 31ක් වාර්තා වී ඇති අතර, එය දශක දෙකකින් පසු වාර්තා වූ වැඩිම මරණ සංඛ්යාවයි. මෙම වසරේ මුල් මාස කිහිපය තුළ පමණක් පෙරේස් ජිමිනෙස් ඇතුළු පුද්ගලයන් 12 දෙනෙකු මෙලෙස මියගොස් තිබේ. තමන් යටතේ සිටින පිරිස්වලට උපරිම වෛද්ය පහසුකම් සහ ආරක්ෂාව සපයන බව ICE ආයතනය ප්රකාශ කළද, රැඳවුම් මධ්යස්ථාන තුළ පවතින තත්ත්වය පිළිබඳව මානව හිමිකම් සංවිධාන දිගින් දිගටම ප්රශ්න කරමින් සිටියි.
