පළාත් සභා මැතිවරණය පැවැත්වීමට නොහැකි වී ඇත්තේ වත්මන් රජයේ වරදකින් නොව, පසුගිය රජයන් අනුගමනය කළ අදූරදර්ශී ක්රියාපිළිවෙත නිසා බව අමාත්ය සමන්ත විද්යාරත්න මහතා පවසයි. පෙර පැවති ආණ්ඩු විසින් පළාත් සභා මැතිවරණ ක්රමය අත්තනෝමතික ලෙස සංශෝධනය කිරීම මෙම අර්බුදයට ප්රධාන හේතුව වී ඇති බව ඔහු පෙන්වා දෙයි. කොට්ඨාස ක්රමය යටතේ මැතිවරණය පැවැත්වීමට නිර්දේශ කළ ද, ඒ සඳහා අවශ්ය සීමා නිර්ණ කටයුතු විධිමත් ලෙස අවසන් කිරීමට පෙර පාලකයින් පියවර ගෙන නොමැති බව අමාත්යවරයා වැඩිදුරටත් අවධාරණය කළේය.
මෙම නීතිමය විකෘතිතාවය සහ ව්යාකූල තත්ත්වය නිසා මැතිවරණය පැවැත්වීමට බාධා මතුව ඇති බවත්, මෙය සම්පූර්ණයෙන්ම පෙර ආණ්ඩුවල වගකීම් විරහිත භාවයේ ප්රතිඵලයක් බවත් ඒ මහතා ප්රකාශ කළේය.
