කියුබානු මුහුදු සීමාවට අනවසරයෙන් ඇතුළු වූ අමෙරිකානු ලියාපදිංචිය සහිත වේගවත් බෝට්ටුවකට කියුබානු දේශසීමා ආරක්ෂක පිරිස් එල්ල කළ වෙඩි ප්රහාරයකින් පුද්ගලයන් සිව්දෙනෙකු ජීවිතක්ෂයට පත්ව ඇති බව කියුබානු රජය නිවේදනය කරයි. කියුබාවේ මධ්යම විලා ක්ලාරා ප්රදේශයට අයත් කායෝ ෆැල්කෝන්ස් (Cayo Falcones) දූපත අසලදී බදාදා උදෑසන මෙම ගැටුම හටගෙන ඇති අතර කියුබානු අභ්යන්තර කටයුතු අමාත්යාංශය පවසන පරිදි දේශසීමා ආරක්ෂක බෝට්ටුවක් අදාළ යාත්රාව වෙත ළඟා වූ අවස්ථාවේදී එහි සිටි පිරිස ආරක්ෂක නිලධාරීන්ට වෙඩි තබා ඇති අතර එහිදී කියුබානු අණදෙන නිලධාරියෙකු තුවාල ලබා ඇත. ඊට ප්රතිචාර වශයෙන් එල්ල කළ වෙඩි ප්රහාරවලින් බෝට්ටුවේ සිටි සිව්දෙනෙකු මියගොස් තවත් හයදෙනෙකු තුවාල ලබා තිබේ. තුවාල ලැබූවන් මේ වන විට වෛද්ය ප්රතිකාර සඳහා යොමු කර ඇති අතර අමෙරිකානු රාජ්ය ලේකම් මාර්කෝ රූබියෝ ප්රකාශ කළේ යාත්රාවේ සිටි පුද්ගලයන්ගේ අනන්යතාවය මෙතෙක් තහවුරු වී නොමැති බවත් අමෙරිකානු වෙරළාරක්ෂක බලකාය මේ පිළිබඳව ස්වාධීන පරීක්ෂණයක් ආරම්භ කර ඇති බවත්ය. අමෙරිකාව සහ කියුබාව අතර පවතින දේශපාලන නොසන්සුන්තාවය තවදුරටත් වර්ධනය වෙමින් පවතින මොහොතක මෙම සිදුවීම වාර්තා වීම විශේෂත්වයක් වන අතර සිය ස්වෛරීභාවය සහ ප්රාදේශීය මුහුදු සීමාව ආරක්ෂා කිරීමට පසුබට නොවන බව කියුබානු රජය මෙම නිවේදනය මගින් යළිත් අවධාරණය කර තිබේ.
