Freedom House ආයතනය විසින් නිකුත් කළ “Freedom in the World 2026” වාර්තාවට අනුව, 2025 වසරේ දේශපාලන අයිතිවාසිකම් සහ සිවිල් නිදහස සම්බන්ධයෙන් කැපී පෙනෙන දියුණුවක් ලැබූ රටවල් අතරට ශ්රී ලංකාව ද ඇතුළත් වී තිබේ. ලොව පුරා රටවල් රැසක නිදහස පිරිහෙමින් පවතින පසුබිමක, ශ්රී ලංකාව ලකුණු 100 දර්ශකය තුළ ලකුණු පහක වර්ධනයක් ලබා ගනිමින් “අර්ධ නිදහස්” රටක් ලෙස වර්ගීකරණය වී තිබීම විශේෂත්වයකි.
2024 ජනාධිපතිවරණයෙන් අනතුරුව ශ්රී ලංකාව පෙන්වූ අඛණ්ඩ ප්රගතිය, දූෂණයට එරෙහි දැඩි ක්රියාමාර්ග සහ ආගමික සහජීවනය ප්රවර්ධනය කිරීම මෙම ජයග්රහණයට මූලික හේතු වී ඇති බව වාර්තාව පෙන්වා දෙයි. ශ්රී ලංකාව සමඟ සිරියාව, බොලිවියාව සහ ෆීජි වැනි රටවල් ද වැඩිම වර්ධනයක් පෙන්නුම් කළ රටවල් ලැයිස්තුවට ඇතුළත් වී ඇති අතර, ඒකාධිපති පාලන බලපෑම් හමුවේ ලෝක ජනගහනයෙන් 40%කට වැඩි පිරිසකගේ නිදහස සීමා වී ඇති බව ද එහි සඳහන් වේ.
පසුගිය වසරේදී රටවල් 54ක නිදහස පිරිහී ඇති අතර වර්ධනයක් පෙන්නුම් කර ඇත්තේ රටවල් 35ක පමණි. ටැන්සානියාව සහ බුර්කිනා ෆාසෝ වැනි රටවල දේශපාලන අර්බුද හේතුවෙන් නිදහස බරපතළ ලෙස සීමා වී ඇති බව පවසන Freedom House ආයතනය, ශ්රී ලංකාව ලබා ඇති මෙම ප්රගතිය කලාපීය වශයෙන් වැදගත් සන්ධිස්ථානයක් ලෙස හඳුන්වා දී ඇත.
