ස්විට්සර්ලන්ත තානාපති කාර්යාලය මගින් සංවිධානය කිරීමට නියමිතව තිබූ දෙමළ දේශපාලන පක්ෂ නියෝජිත හමුව දින නියමයක් නොමැතිව කල් දමා ඇති බවත්, ඒ සඳහා තමන් හෝ තම පක්ෂය කිසිදු බලපෑමක් සිදු නොකළ බවත් සමස්ත ශ්රී ලංකා දෙමළ කොංග්රසයේ මහලේකම්, පාර්ලිමේන්තු මන්ත්රී ගජේන්ද්රකුමාර් පොන්නම්බලම් මහතා අවධාරණය කරයි. ඊයේ (11) යාපනයේ පැවැති මාධ්ය හමුවකදී ඔහු කියා සිටියේ, මෙම රැස්වීම සංවිධානය කරන ලෙස ස්විස් තානාපති කාර්යාලයෙන් ඉල්ලා සිටියේ එම්.ඒ. සුමන්තිරන් මහතා ඇතුළු ශ්රී ලංකා දෙමළ අරසු පක්ෂය බවයි.
කෙසේ වෙතත්, 15 වන දින දෙමළ ජාතික කවුන්සිලය විසින් සංවිධානය කර ඇති වෙනත් රැස්වීමක් හේතුවෙන්, ස්විස් තානාපති කාර්යාලයේ පැවැත්වීමට තිබූ හමුවට සහභාගී වීම සම්බන්ධයෙන් දෙමළ අරසු පක්ෂය තුළම ඇති වූ ව්යාකූලත්වය මෙම කල් දැමීමට හේතු වී ඇති බව මන්ත්රීවරයා පැහැදිලි කළේය. තමන් ස්විස් රජයෙන් මෙම රැස්වීම ඉල්ලා සිටි බවට පැතිර යන පුවත් සම්පූර්ණයෙන්ම අසත්ය බවත්, තානාපති කාර්යාලය ද එම පුවත් ප්රතික්ෂේප කර ඇති බවත් ඔහු වැඩිදුරටත් සඳහන් කළේය.
