ගල්ගමුව, රජවිගම ප්රදේශයේ ඉදි කළ “ඌරුවරිගේ තිසාහාමි ආදර්ශ ගම්මානය” නිල වශයෙන් ආදිවාසී ජනතාවගේ අයිතියට පත් කර තිබේ. මෙම ගම්මානය විවෘත කිරීමේ උත්සවය ආදිවාසී නායක ඌරුවරිගේ වන්නිලැත්තන්ගේ ප්රධානත්වයෙන් සහ මැති ඇමතිවරුන් රැසකගේ සහභාගීත්වයෙන් අද දින පැවැත්වුණි.
පාරම්පරික උරුමයන් රැකගනිමින් ආදිවාසී ප්රජාවගේ ජීවන තත්ත්වය ඉහළ නැංවීමේ අරමුණින් මෙම ආදර්ශ ගම්මානය නිර්මාණය කර ඇත. එහිදී ඔවුන්ගේ අනන්යතාවය සුරැකෙන පරිදි නිවාස සහ අනෙකුත් යටිතල පහසුකම් සලසා දී ඇති අතර, මෙය මෙරට ආදිවාසී ජනතාව වෙනුවෙන් ක්රියාත්මක වූ සුවිශේෂී නිවාස ව්යාපෘතියකි.
