අද (අප්රේල් 13) අලුයම 12.30 ට පමණ ගල්කිස්ස පොලිස් වසමේ ගාලු පාරේ, ‘Little Star’ ආයතනය ඉදිරිපිටදී ශ්රී ලාංකික කාන්තාවක් සහ යුක්රේන ජාතික කාන්තාවක් අතර දරුණු ගැටුමක් සිදුව තිබේ. සිද්ධිය සම්බන්ධයෙන් ශ්රී ලාංකික කාන්තාව විසින් ගල්කිස්ස පොලිස් ස්ථානයට ඉදිරිපත් කළ පැමිණිල්ලකට අනුව විමර්ශන ආරම්භ කර ඇත.
පැමිණිලිකාර ශ්රී ලාංකික කාන්තාව වන අත්තිඩිය ප්රදේශයේ පදිංචි 34 හැවිරිදි හිරුණි අසන්තිකා නමැත්තිය ප්රකාශ කර ඇත්තේ තමා මාර්ගයේ රැඳී සිටියදී යුක්රේන කාන්තාව විසින් තමාට පහරදුන් බවයි. කෙසේ වෙතත්, අත්අඩංගුවට ගත් 37 හැවිරිදි යුක්රේන ජාතික නාඩියා පොමිලෝවා (Naddiia Pomilova) නමැති කාන්තාව පවසන්නේ තමා සිය නිවුන් දරුවන් දෙදෙනා සමඟ ගමන් කරමින් සිටියදී ශ්රී ලාංකික කාන්තාව තමාට පහරදුන් බවයි.
අත්අඩංගුවට ගත් යුක්රේන ජාතික කාන්තාව වසර 18ක පමණ සිට කලත්ර වීසා (Spouse Visa) මත මෙරට රැඳී සිටින්නියකි. ඇයගේ ස්වාමිපුරුෂයා රුසියාවේ රැකියාවක නිරත වන ශ්රී ලාංකිකයෙකු වන අතර, ඇයට වයස අවුරුදු 14ක නිවුන් දරුවන් දෙදෙනෙකු සිටී. ගැටුමෙන් තුවාල ලැබූ ශ්රී ලාංකික කාන්තාව ප්රතිකාර සඳහා අධිකරණ වෛද්ය පෝරමයක් (MLE) ලබා දී රෝහල් ගත කිරීමට පියවර ගෙන ඇති අතර, යුක්රේන කාන්තාව අත්අඩංගුවට ගැනීමෙන් පසු ඇයගේ දරුවන් දෙදෙනා ආරක්ෂාව සඳහා පොලිස් ස්ථානයේ රඳවා තබා ඇත.
ගල්කිස්ස පොලීසිය සිද්ධිය සම්බන්ධයෙන් වැඩිදුර විමර්ශන සිදු කරයි.
