ලෝක උරුම ගාල්ල කොටු පරිශ්රයේ පිහිටා ඇති පැරණි උසාවි සංකීර්ණ ගොඩනැගිලි පද්ධතිය සංචාරක ප්රවර්ධන කටයුතු සඳහා යොදා ගැනීමට අමාත්ය මණ්ඩලයේ අනුමැතිය හිමිව තිබේ. ගාල්ල කොටුවේ ඓතිහාසික හා වාස්තු විද්යාත්මක වටිනාකම ආරක්ෂා කරමින්, එම පරිශ්රය දෙස් විදෙස් සංචාරක ආකර්ෂණය දිනාගත හැකි මධ්යස්ථානයක් ලෙස සංවර්ධනය කිරීම මෙම ව්යාපෘතියේ මූලික අරමුණයි.
දැනට පවතින උසාවි සංකීර්ණය නව ගොඩනැගිලි වෙත ගෙනයාමෙන් පසුව පුරාවිද්යාත්මක වටිනාකමකින් යුත් මෙම පැරණි ගොඩනැගිලි සංරක්ෂණය කර ආයෝජන ව්යාපෘති සඳහා විවෘත කිරීමට රජය අපේක්ෂා කරයි. මෙමඟින් ගාල්ල නගරයේ සංචාරක කර්මාන්තයට නව පණක් ලැබෙනු ඇති අතර, එම ඓතිහාසික උරුමයන් අනාගත පරපුර වෙනුවෙන් සුරක්ෂිත කරමින් ආර්ථිකමය ප්රතිලාභ ලබා ගැනීමට ද මෙමඟින් මඟ පෑදේ. ගාල්ල උරුමය සුරැකීමේ වැඩපිළිවෙළ යටතේ ක්රියාත්මක වන මෙම ව්යාපෘතිය සඳහා අවශ්ය තාක්ෂණික සහාය පුරාවිද්යා දෙපාර්තමේන්තුවෙන් ලබා ගැනීමට ද නියමිතය.
