ගාල්ල බන්ධනාගාරයේ කාන්තා රැඳවියන් රඳවා සිටින අංශයේ තිබී මිලිමීටර් 9 වර්ගයේ ජීව උණ්ඩ පහක් (05) අද (අප්රේල් 07) දහවල් සොයාගත් බව බන්ධනාගාර අධිකාරී කාර්යාලය නිල වශයෙන් ප්රකාශ කළේය. බන්ධනාගාර නිලධාරීන් කණ්ඩායමක් විසින් අභ්යන්තරයේ සිදු කරන ලද විශේෂ සෝදිසි මෙහෙයුමකදී මෙම උණ්ඩ තොගය හමු වී තිබේ.
අදාළ කාන්තා සිරමැදිරි අංශයේ සිදු කළ පරීක්ෂාවේදී කිසිදු අයිතිකරුවෙකු නොමැතිව රහසිගතව සඟවා තිබියදී මෙම ජීව උණ්ඩ සොයාගෙන ඇති අතර, ඒවා මේ වන විට බන්ධනාගාර අධිකාරීවරයාගේ භාරයට ගෙන ඇත. ඉතා දැඩි ආරක්ෂාවක් පවතින කාන්තා රැඳවියන්ගේ අංශයකට මෙවැනි උණ්ඩ තොගයක් රැගෙන ආවේ කෙසේද යන්න පිළිබඳව බන්ධනාගාර බුද්ධි අංශ සහ නිලධාරීන් විසින් පුළුල් විමර්ශනයක් ආරම්භ කර තිබේ. මෙම සිද්ධියත් සමඟ බන්ධනාගාර පරිශ්රයේ ආරක්ෂාව තවදුරටත් දැඩි කිරීමට පියවර ගෙන ඇති බව වාර්තා වේ.
