ගාල්ල වැලිවත්ත ප්රදේශයේ නිවසක පදිංචිව සිටි 48 හැවිරිදි පුද්ගලයෙකු සැකකටයුතු ලෙස මියගොස් ඇති බවට ගාල්ල පොලිස් ස්ථානයට ලද පැමිණිල්ලක් මත පුළුල් විමර්ශනයක් ආරම්භ කර තිබේ මියගිය පුද්ගලයා බීමත්ව සහ හිසේ තුවාලයක් සහිතව පෙරදින රාත්රියේ නිවසට පැමිණ ඇති අතර ඔහු නිදාගැනීමෙන් පසු පසුදින අවදි නොවීම හේතුවෙන් සිදුකළ පරීක්ෂාවකදී ඔහු මියගොස් ඇති බව අනාවරණය වී ඇත
මෘත ශරීරය මේ වන විට පශ්චාත් මරණ පරීක්ෂණය සඳහා කරාපිටිය රෝහලේ මෘත ශරීරාගාරයේ තැන්පත් කර ඇති අතර මරණයට නිශ්චිත හේතුව එම පරීක්ෂණයෙන් පසුව අනාවරණය වනු ඇත මියගිය පුද්ගලයාගේ හිසට තුවාල සිදුවූයේ කෙසේද යන්න පිළිබඳව සහ මෙය මනුෂ්ය ඝාතනයක් ද යන්න පිළිබඳව ගාල්ල පොලීසිය විවිධ පැති ඔස්සේ පරීක්ෂණ පවත්වයි
ප්රදේශවාසීන්ගෙන් සහ ඥාතීන්ගෙන් ප්රකාශ සටහන් කරගැනීමට පොලීසිය පියවර ගෙන ඇති අතර සිද්ධිය වූ ස්ථානයේ මහේස්ත්රාත් පරීක්ෂණය ද පැවැත්වීමට නියමිතව තිබේ පවුලේ ආරවුලක් හෝ බාහිර පුද්ගලයෙකු සමඟ ඇති වූ ගැටුමක් මීට හේතු වී ඇත්දැයි යන්න පිළිබඳව ද අවධානය යොමු කර ඇත වැඩිදුර විමර්ශන කටයුතු ගාල්ල මූලස්ථාන පොලිස් පරීක්ෂකවරයාගේ මෙහෙයවීමෙන් ක්රියාත්මක වේ
