ජනසෙත පෙරමුණේ නායක පූජ්ය බත්තරමුල්ලේ සීලරතන හිමියන් අද (06) විශේෂ ප්රකාශයක් කරමින් වර්තමාන ජනාධිපතිවරයාගේ විදේශ ප්රතිපත්තිය සහ ආරක්ෂක වැඩපිළිවෙළ දැඩි ලෙස අගය කළහ. උන්වහන්සේ පෙන්වා දුන්නේ ගෝලීය අර්බුද හමුවේ ජනාධිපතිවරයා අනුගමනය කරන ස්වාධීන සහ දුරදක්නා පිළිවෙත නිසා ශ්රී ලංකාව අද ආරක්ෂිතව පවතින බවයි.
“ජනාධිපතිතුමාගේ ඒ දුරදක්නා නුවණ අද අපේ රටට ලොකු ආශීර්වාදයක් වෙලා තියෙනවා. ලෝක බලවතුන් විවිධ ගැටුම් ඇති කරගන්නා මොහොතක අපේ රටේ ආරක්ෂාව ගැන එතුමා ගත්ත තීන්දු හරිම නිවැරදියි. අද අපේ රටේ පවතින මේ සාමකාමී පරිසරය නැත්නම්, අපිටත් අද ලෝකයේ වෙනත් රටවල් වගේ විවිධ බලවේගවලින් ප්රහාර එල්ල වෙන්න ඉඩ තිබුණා,” යනුවෙන් සීලරතන හිමියෝ අවධාරණය කළහ.
උන්වහන්සේ වැඩිදුරටත් සඳහන් කළේ, දේශීය ආර්ථිකය ශක්තිමත් කිරීමට රජය ගන්නා උත්සාහයන් ද ජනාධිපතිවරයාගේ මෙම පුළුල් දැක්මේම කොටසක් බවයි. ලෝක මූල්ය වෙළඳපොළේ යම් යම් වෙනස්කම් සිදුවෙමින් පවතින මොහොතක, රට අභ්යන්තරයේ ස්ථාවරත්වය පවත්වා ගැනීමට රජය දක්වන දායකත්වය අගය කළ යුතු බව ද උන්වහන්සේ පැවසූහ. රජය ගන්නා නිවැරදි තීරණවලට සහාය දෙමින් රටේ ස්වෛරීභාවය ආරක්ෂා කර ගැනීමට සියලු දෙනා එක්විය යුතු බව උන්වහන්සේගේ ප්රකාශයේ මූලික පණිවිඩය විය.
