ශ්රී ලංකා ජාතික ක්රිකට් කණ්ඩායමේ නව ප්රධාන පුහුණුකරු ලෙස දකුණු අප්රිකානු හිටපු සුපිරි පිතිකරු ගැරී කර්ස්ටන් (Gary Kirsten) පත් කළ බව ශ්රී ලංකා ක්රිකට් ආයතනය අද (09) නිල වශයෙන් නිවේදනය කළේය. මෙම පත්වීම 2026 අප්රේල් 15 වැනිදා සිට ක්රියාත්මක වන පරිදි වසර දෙකක කාලසීමාවක් සඳහා වලංගු වේ.
ගැරී කර්ස්ටන්ගේ පුහුණුකාරීත්වය සහ ක්රීඩා දිවිය පිළිබඳ තොරතුරු මෙසේය. ඔහු 2011 වසරේදී ඉන්දීය කණ්ඩායමට ලෝක කුසලානය දිනා දීමට ප්රධාන පුහුණුකරු ලෙස සුවිශාල මෙහෙවරක් ඉටු කළේය. එමෙන්ම, 2011-2013 කාලයේ දකුණු අප්රිකානු කණ්ඩායමේ පුහුණුකරු ලෙස කටයුතු කරමින් එම කණ්ඩායම ලොව අංක 1 ස්ථානය කරා රැගෙන ගියේය. මෑතකදී නිමාවූ 2026 විස්සයි-20 ලෝක කුසලානයේදී ඔහු නැමිබියානු කණ්ඩායමේ උපදේශකවරයෙකු ලෙස ද කටයුතු කර ඇත.
ක්රීඩකයෙකු ලෙස ජාත්යන්තර පිටියේ ලකුණු 14,087ක් රැස් කර ඇති කර්ස්ටන්, ටෙස්ට් ශතක 21ක් සහ එක්දින ශතක 13ක් ලබාගත් දක්ෂ ආරම්භක පිතිකරුවෙකි. ශ්රී ලංකා කණ්ඩායමේ වත්මන් පිතිකරණ දුර්වලතා මඟහරවා ගනිමින් ඉදිරි ජාත්යන්තර තරඟාවලි සඳහා කණ්ඩායම සූදානම් කිරීමේ ප්රධාන වගකීම ඔහු වෙත පැවරේ.
