දකුණු සිරියාවේ හමුදා යටිතල පහසුකම් ඉලක්ක කර ගනිමින් ඊශ්රායලය එල්ල කළ ප්රහාරය, ගල්ෆ් සහයෝගිතා කවුන්සිලයේ (GCC) මහලේකම් ජාසෙම් මොහොමඩ් අල්බුදෙයිවි (Jasem Mohamed Albudaiwi) මහතා දැඩි ලෙස හෙළා දැක තිබේ. මෙම ආක්රමණය සිරියානු භූමිය ඉලක්ක කර ගැනීමටත් වඩා සමස්ත කලාපයේම ආරක්ෂාව සහ ස්ථාවරත්වය බරපතල ලෙස අඩාල කරන්නක් බව මහලේකම්වරයා පෙන්වා දෙයි.
සුවේදා (Suwayda) ප්රදේශයේ වෙසෙන දෘස් (Druze) සිවිල් වැසියන්ට එල්ල වූ ප්රහාරවලට ප්රතිචාර වශයෙන් තමන් සිරියානු රජයට අයත් යටිතල පහසුකම්වලට පහර දුන් බව ඊශ්රායල හමුදාව ප්රකාශ කර තිබුණි. කෙසේ වෙතත් ඊශ්රායලයේ මෙම ක්රියාකලාපය කලාපීය සාමයට සෘජු තර්ජනයක් වන බවත්, එය ජාත්යන්තර ආරක්ෂක පදනම් දුර්වල කරන බවත් GCC සංවිධානය අවධාරණය කරයි. මැදපෙරදිග කලාපයේ උණුසුම තවදුරටත් වර්ධනය වන පසුබිමක මෙම ප්රහාරය සහ ඊට එල්ල වන විරෝධය ජාත්යන්තර දේශපාලන කරළියේ දැඩි අවධානයට ලක්ව ඇත.
