ප්රකෝටිපති ආයෝජකයෙකු වන ජෝර්ජ් සෝරෝස් (George Soros) නිවාස අඩස්සියේ පසුවන බවටත්, ඔහුගේ පුත් ඇලෙක්සැන්ඩර් සෝරෝස් (Alexander Soros) ඇමෙරිකාවෙන් පලා ගොස් ඇති බවටත් සමාජ මාධ්ය ඔස්සේ පැතිර යන පුවත් සම්පූර්ණයෙන්ම අසත්ය බව තහවුරු වී තිබේ. ඇතැම් පෝස්ට් මඟින් කියා සිටියේ නිව්යෝර්ක් හි පිහිටි සෝරෝස්ගේ නිවස ෆෙඩරල් ඒජන්තවරුන් විසින් වට කර ඇති බවත්, ඔහුගේ පුත්රයා මාර්තු 06 වැනිදා අලුයම පුද්ගලික ගුවන් යානයකින් ඩුබායි බලා පිටත්ව ගිය බවත්ය.
කෙසේ වෙතත්, ඇමෙරිකානු යුක්ති දෙපාර්තමේන්තුව විසින් ජෝර්ජ් සෝරෝස්ට හෝ ඔහුගේ ‘Open Society Foundation’ ආයතනයට එරෙහිව කිසිදු නිල පරීක්ෂණයක් ආරම්භ කර නොමැති අතර ඔහුව නිවාස අඩස්සියේ තැබීමට කිසිදු පියවරක් ගෙන නොමැත. මෙම අසත්ය තොරතුරු පතුරුවන්නන් විසින් මීට පෙර ඩොනල්ඩ් ට්රම්ප් අත්සන් කරන ලද විධායක නියෝගයක් සහ ජෙෆ්රි එප්ස්ටයින්ගේ (Jeffrey Epstein) මූල්ය ජාලය සමඟ ද මෙම සිදුවීම සම්බන්ධ කිරීමට උත්සාහ කර ඇති බව නිරීක්ෂණය වේ.
ජාත්යන්තර දේශපාලන හා ආර්ථික ක්ෂේත්රයේ බලගතු චරිතයක් වන ජෝර්ජ් සෝරෝස් ඉලක්ක කරගනිමින් මෙවැනි අසත්ය තොරතුරු වරින් වර සමාජ මාධ්ය ඔස්සේ ප්රචාරය වන අතර, මෙවර ද ප්රචාරය වී ඇත්තේ එවැනිම පදනම් විරහිත මතිමතාන්තර සමූහයකි. ජෝර්ජ් සෝරෝස් සහ ඔහුගේ පුත්රයා මේ වන විටත් සුපුරුදු පරිදි ඔවුන්ගේ රාජකාරි කටයුතුවල නිරතව සිටින බව නිල තොරතුරු මඟින් තහවුරු වේ.
