ඇල්ල දුම්රිය ස්ථානයේදී අද (18) දහවල් ජර්මන් ජාතික සංචාරකයෙකු සහ තවත් පිරිසක් එක්ව විරෝධතාවයක නිරත වූහ. ‘ඇල්ල ඔඩිසි’ (Ella Odyssey) විශේෂ සංචාරක දුම්රියෙන් ගමන් කිරීම සඳහා ප්රවේශපත්රයක් නිකුත් කරන ලෙස ඉල්ලමින් මෙම විරෝධතාවය පවත්වා තිබේ.
මෙම විරෝධතාවයට අදාළ ජර්මන් ජාතිකයා සමඟ ඔහුගේ බිරිඳ ඇතුළු තවත් ජර්මානු ජාතිකයින් තිදෙනෙකු එක්ව සිටියහ
ඔඩිසි දුම්රිය විශේෂ සංචාරක සේවාවක් බැවින් එහි ගමන් කළ හැක්කේ දින 30කට පෙර කල්තියා ආසන වෙන් කරගත් අයට පමණක් බව දුම්රිය බලධාරීන් පෙන්වා දුන්නද, විරෝධතාකරුවන් එය පිළිගැනීමට සූදානම් වී නැත
පවතින අධික ඉල්ලුම හේතුවෙන් ඔඩිසි දුම්රියේ ප්රවේශපත්ර මාර්ගගත (Online) ක්රමය හරහා නිකුත් කර තත්පර කිහිපයකින් අවසන් වන බවත්, මේ හේතුවෙන් සංචාරකයින් දැඩි අපහසුතාවයට පත්වන බවත් මීට පෙර ද වාර්තා විය
පවතින ගෝලීය බලශක්ති අර්බුදය සහ මැදපෙරදිග යුද වාතාවරණය හමුවේ මෙරට සංචාරක ක්ෂේත්රය ප්රවර්ධනය කිරීමට රජය උත්සාහ ගන්නා පසුබිමක, මෙවැනි සිදුවීම් සංචාරකයින් අතර වැරදි ප්රතිරූපයක් ඇති කිරීමට හේතු විය හැකි බව විචාරකයෝ පවසති.
අද පස්වරුවේ පවතින අකුණු සහ තද වැසි සහිත අයහපත් කාලගුණය මධ්යයේ වුවද, ඇල්ල ප්රදේශයේ සංචාරක කටයුතු අඛණ්ඩව සිදුවන අතර, දුම්රිය බලධාරීන් පවසන්නේ පවතින නීති රීති අනුව ආසන වෙන් කරවා ගැනීම අනිවාර්ය බවයි.
