ජර්මනිය මුහුණ දී සිටින දැඩි ශ්රම හිඟය පියවා ගැනීම සඳහා එරට රජය සහ පෞද්ගලික අංශය මේ වන විට ඉන්දියානු ශ්රමිකයන් වැඩි වශයෙන් බඳවා ගැනීමට පියවර ගනිමින් සිටී. ජර්මනියේ වයස්ගත ජනගහනය විශ්රාම යාම සහ දේශීය තරුණයන් ඇතැම් වෘත්තීන් සඳහා යොමු නොවීම හේතුවෙන් හටගෙන ඇති මෙම අර්බුදයට විසඳුම් ලෙස ඉන්දියාවේ “Magic Billion” වැනි රැකියා නියෝජිතායතන හරහා තරුණ ශ්රමිකයන් විශාල පිරිසක් එරටට ගෙන්වා ගනිමින් පවතී.
2022 වසරේදී ඉන්දීය තරුණයන් 13 දෙනෙකුගෙන් ආරම්භ වූ මෙම වැඩසටහන මේ වන විට මස් සැකසීමේ කර්මාන්තය (Butchery), පාන් නිෂ්පාදනය (Baking), මෝටර් රථ කාර්මික, මාර්ග ඉදිකිරීම් සහ ගුරු වෘත්තිය වැනි ක්ෂේත්ර රැසක් දක්වා ව්යාප්ත වී තිබේ. 2024 වසරේ වාර්තාවලට අනුව ජර්මානු ආර්ථිකය පවත්වාගෙන යාමට වසරකට විදේශීය ශ්රමිකයන් 288,000ක් අවශ්ය වන අතර, එසේ නොවුණහොත් 2040 වන විට එරට ශ්රම බලකාය 10%කින් හැකිලීමේ අවදානමක් පවතී.
ජර්මනියේ පවතින ඉහළ වැටුප්, සමාජ ආරක්ෂණය සහ පිරිසිදු පරිසරය තමන්ව එරටට ආකර්ෂණය කරගත් ප්රධාන සාධක බව එහි සේවය කරන ඉන්දීය තරුණ තරුණියෝ පවසති. දෙරට අතර අත්සන් කරන ලද සංක්රමණ ගිවිසුම් ප්රකාරව, ඉන්දීය වෘත්තිකයන් සඳහා ලබා දෙන වීසා කෝටාව වසරකට 20,000 සිට 90,000 දක්වා ඉහළ නැංවීමට ද ජර්මනිය පියවර ගෙන ඇත. තමන්ගේ ව්යාපාරය වැසී යාමට නොදී බේරා ගත්තේ මෙම ඉන්දීය ශ්රමිකයන් බව ජර්මානු ව්යාපාරිකයෝ පවා කෘතඥපූර්වකව සඳහන් කරති.
