පද්ධතිමය ප්රතිසංස්කරණ, රාජ්ය ආයෝජන ඉහළ නැංවීම සහ කාර්යක්ෂමතාව වැඩිකිරීම මඟින් ජාතික සෞඛ්ය අංශය ශක්තිමත් කිරීමට රජය දක්වන කැපවීම යළි තහවුරු කර තිබේ. බත්තරමුල්ල වෝටර්ස් එජ් හෝටල් පරිශ්රයේදී පැවැත්වුණු ශ්රී ලංකා යුද හමුදා වෛද්ය විද්යාලයේ (SLCOMM) 9 වැනි වාර්ෂික සැසිය අමතමින් ආරක්ෂක නියෝජ්ය අමාත්ය අරුණ ජයසේකර (විශ්රාමික) මහතා මේ බව අවධාරණය කළේය. “පොහොසත් රටක් – ලස්සන ජීවිතයක්” යන දැක්ම යටතේ සෞඛ්ය ක්ෂේත්රය ජාතික සංවර්ධනයේ මූලික කුළුණක් ලෙස සලකා රජය ප්රමුඛත්වය ලබාදෙන බව ඔහු මෙහිදී පැවසීය.
විශේෂයෙන්ම යුද වෛද්ය විද්යාව වැනි අභියෝගාත්මක ක්ෂේත්රවලදී සායනික නිපුණතාවට අමතරව විනය, නායකත්වය සහ පීඩනය යටතේ නිවැරදි තීරණ ගැනීමේ හැකියාව අත්යවශ්ය බව නියෝජ්ය අමාත්යවරයා පෙන්වා දුන්නේය. සෞඛ්ය සේවාව ඩිජිටල්කරණය කිරීම, විනිවිදභාවය තහවුරු කිරීම සහ රාජ්ය අරමුදල් මඟින් පවුල් මත පැටවෙන මූල්ය බර අවම කිරීම සඳහා රජය ගෙන යන වැඩපිළිවෙළ පිළිබඳව ද ඔහු මෙහිදී කරුණු පැහැදිලි කළේය. මෙම අවස්ථාවට ත්රිවිධ හමුදාපතිවරුන්, සෞඛ්ය ක්ෂේත්රයේ ප්රවීණයන් සහ ජාත්යන්තර නියෝජිතයින් පිරිසක් ද සහභාගී වූහ.
