‘දිට්වා’ (Ditwah) සුළි කුණාටුවෙන් පීඩාවට පත් ජනතාවට වන්දි ලබා දීමේදී මතුව ඇති පරිපාලන ගැටලු කිහිපයක් මුල් කරගනිමින් ග්රාම නිලධාරීන්, තාක්ෂණික නිලධාරීන් සහ ආපදා සහන සේවා නිලධාරීන් අද (27) සිට සියලු ආපදා සහන සේවා කටයුතුවලින් ඉවත් වීමට තීරණය කර තිබේ. මෙම වෘත්තීය ක්රියාමාර්ගය හේතුවෙන් ආපදා හානි තක්සේරු කිරීම් සහ වන්දි බෙදා හැරීමේ කටයුතු අඩාල වීමේ අවදානමක් මතුව ඇත.
ශ්රී ලංකා ග්රාම නිලධාරී ජාතික සංගමයේ ප්රධාන ලේකම් නෙවිල් විජේරත්න මහතා සඳහන් කළේ, හානි තක්සේරු කිරීම සඳහා විධිමත් ක්රමවේදයක් නොමැති වීම මෙන්ම සහන කටයුතුවල නිරත නිලධාරීන්ට හිමිවිය යුතු දීමනා සහ පහසුකම් මෙතෙක් ලබා නොදීම මෙම තීරණයට හේතු වූ බවයි. ක්ෂේත්රයේ නිරත නිලධාරීන්ට දැඩි පීඩනයක් එල්ල වී ඇති බැවින් රජය මැදිහත් වී විසඳුමක් ලබා දෙන තෙක් මෙම ක්රියාමාර්ගය අඛණ්ඩව ක්රියාත්මක කරන බව ඔවුහු පවසති.
මේ අතර, සෞඛ්ය ක්ෂේත්රයේ ද වෘත්තීය සමිති ක්රියාමාර්ග තවදුරටත් දැඩි වෙමින් පවතී. රජයේ වෛද්ය නිලධාරීන්ගේ සංගමය (GMOA) තීරණය කර ඇත්තේ ලබන සඳුදා සිට ‘ආරෝග්යා’ ප්රාථමික සෞඛ්ය සේවා මධ්යස්ථානවල කටයුතුවලින් ඉවත් වීමටයි. සෞඛ්ය අමාත්යවරයාගේ සංකල්පයක් මත ක්රියාත්මක වන මෙම මධ්යස්ථානවල සේවා අත්හිටුවීම හරහා ග්රාමීය මට්ටමේ සෞඛ්ය සේවාවන්ට ද දැඩි බලපෑම් එල්ල වනු ඇතැයි අපේක්ෂා කෙරේ.
