ග්රීසියට බලපා ඇති ‘අර්මිනියෝ’ (Erminio) දරුණු කුණාටුව හේතුවෙන් ඇට්ලිකා කලාපයේ නීයා මැක්රි (Nea Makri) නගරයේ පදිංචි පෝලන්ත ජාතිකයෙකු මියගොස් ඇති බව වාර්තා වේ. අධික වර්ෂාවත් සමඟ ඇති වූ හදිසි ගංවතුරට හසු වූ ඔහු, ගසාගෙන ගොස් වාහනයකට යටවීමෙන් මෙම මරණය සිදුව ඇති බව සහන සේවා අංශ තහවුරු කර ඇත.
බදාදා දින සිට ක්රියාත්මක වූ මෙම කුණාටුව හේතුවෙන් ඇතැන්ස් අගනුවර සහ ඒ අවට ප්රදේශවල නිවාස රැසක් ජලයෙන් යට වී ඇති අතර, කඩා වැටුණු ගස් ඉවත් කිරීමට සහ ජලය බැස යාමට කටයුතු කිරීමට ගිනි නිවන ඒකකයට සිය ගණනක ඇමතුම් ලැබී තිබේ. පවතින අයහපත් කාලගුණය හේතුවෙන් පිරවුස් (Piraeus) වරායෙන් පිටත්වන යාත්රා ගමනාගමනය ද තාවකාලිකව නවතා දමා ඇත.
මේ අතර, ක්රීට් (Crete) දූපතේ අහස අමුතුම තැඹිලි පැහැයක් ගෙන ඇති අතර, උතුරු අප්රිකාවෙන් හමා එන දූවිලි වලාකුළු සහ පැයට කිලෝමීටර් 100 ඉක්මවන සුළං තත්ත්වය හේතුවෙන් ගුවන් ගමන් රැසක් අවලංගු කිරීමට හෝ වෙනත් ගුවන් තොටුපළවල් වෙත හරවා යැවීමට බලධාරීන් පියවර ගෙන තිබේ.
