යුරෝපා සංගමයේ කෘෂිකාර්මික අරමුදල් වංචා කිරීමේ සිද්ධියක් සම්බන්ධයෙන් එල්ල වී ඇති චෝදනා හමුවේ ග්රීක අග්රාමාත්ය කිරියාකොස් මිට්සෝටාකිස් (Kyriakos Mitsotakis) විසින් සිය කැබිනට් මණ්ඩලය සංශෝධනය කිරීමට පියවර ගෙන තිබේ පසුගිය වසරේදී ග්රීසියේ පශු සම්පත් පාලකයින් පිරිසක් රජයේ නිලධාරීන්ගේ සහ දේශපාලනඥයින්ගේ සහාය ඇතිව ව්යාජ තොරතුරු ඉදිරිපත් කර යුරෝ මිලියන ගණනක සහනාධාර ලබාගෙන ඇති බවට යුරෝපා අභිචෝදකයින් චෝදනා කර ඇත මෙම දූෂණ වංචාව හේතුවෙන් යුරෝපා සංගමය විසින් ග්රීසියට විශාල දඩයක් ද පනවා තිබේ
මෙම පරීක්ෂණ තවදුරටත් පුළුල් කරමින් යුරෝපා ප්රධාන අභිචෝදකවරයා පසුගිය බදාදා ග්රීක පාර්ලිමේන්තුවෙන් ඉල්ලීමක් කළේ අමාත්යවරුන් ද ඇතුළුව මන්ත්රීවරුන් 11 දෙනෙකුගේ පාර්ලිමේන්තු මුක්තිය ඉවත් කරන ලෙසයි එමඟින් ඔවුන්ට එරෙහිව පවතින විමර්ශන කටයුතු ඉදිරියට ගෙන යාමට අවස්ථාව හිමි වේ ග්රීක ව්යවස්ථාවට අනුව පාර්ලිමේන්තුව විසින් මුක්තිය ඉවත් කරන තෙක් ඔවුන්ට එරෙහිව නීතිමය පියවර ගත නොහැකි අතර මීට පෙර ද මෙම වංචාවට සම්බන්ධ බවට සැකකෙරෙන ඉහළ පෙළේ නිලධාරීන් කිහිප දෙනෙකු සිය ධුරවලින් ඉල්ලා අස්වී තිබුණි
නව කැබිනට් සංශෝධනය යටතේ යුරෝපා කොමිසමේ හිටපු උප සභාපතිවරයෙකු වන මාගරිටිස් ෂිනාස් (Margaritis Schinas) නව කෘෂිකර්ම අමාත්යවරයා ලෙස පත් කිරීමට අග්රාමාත්යවරයා පියවර ගෙන ඇත මෙම පත්වීම හරහා යුරෝපා සංගමය සමඟ පවතින සබඳතා යථා තත්ත්වයට පත් කර ගැනීමටත් සහනාධාර කළමනාකරණ ක්රියාවලියේ පවතින දූෂණ අවම කිරීමටත් රජය අපේක්ෂා කරයි මෙම සිදුවීම ග්රීසියේ පාලක පක්ෂයට දේශපාලනමය වශයෙන් දැඩි බලපෑමක් එල්ල කර ඇති අතර ඉදිරි කාලය තුළ පරීක්ෂණවල ප්රගතිය පිළිබඳව ජාත්යන්තර අවධානය යොමුව පවතී
