හබරණ – දඹුල්ල ප්රධාන මාර්ගයේ දිගම්පතහ ප්රදේශයේදී අද (29) අලුයම සිදු වූ රිය අනතුරකින් ටිපර් රථයක රියදුරෙකු තුවාල ලබා රෝහල් ගත කර තිබේ. ධාවනය වෙමින් තිබූ ටිපර් රථයේ රියදුරාට නින්ද යාම හේතුවෙන් රථය පාලනය කර ගත නොහැකිව ප්රතිවිරුද්ධ දිශාවෙන් පැමිණි බොලෙරෝ වර්ගයේ කැබ් රථයක පිටුපස ගැටී මාර්ගයෙන් ඉවතට පෙරළී මෙම අනතුර සිදුව ඇත.
අනතුර සිදුවන අවස්ථාවේදී ටිපර් රථය අධික වේගයෙන් ධාවනය වී ඇති අතර කැබ් රථයේ ගැටීමෙන් අනතුරුව එය මාර්ගය අසල වූ පල්ලමකට පෙරළී තිබේ. වාසනාවකට මෙන් කැබ් රථයේ ගමන් කළ පිරිසට හෝ ටිපර් රථයේ රියදුරාට බරපතල ජීවිත හානි සිදුව නොමැති අතර ටිපර් රථ රියදුරා සුළු තුවාල සහිතව ප්රතිකාර සඳහා දඹුල්ල මූලික රෝහල වෙත ඇතුළත් කර ඇත.
සිද්ධිය සම්බන්ධයෙන් සීගිරිය සහ හබරණ පොලිස් ස්ථාන මඟින් වැඩිදුර විමර්ශන මෙහෙයවන අතර රිය පැදවීමේදී පවතින විඩාපත් බව සහ නිදිමත ගතිය මෙවැනි දරුණු අනතුරුවලට ප්රධානතම හේතුවක් බව පොලිසිය නැවතත් රියදුරන්ට සිහිපත් කර සිටියි. අනතුර හේතුවෙන් ටිපර් රථයට සහ කැබ් රථයට දැඩි දේපළ හානි සිදුව ඇති බව ද වාර්තා වේ.
