අන්තර්ජාලය ඔස්සේ මූල්ය වංචා සිදුකිරීමේ සිද්ධියකට අදාළව හලාවත, ඉරණවිල ප්රදේශයේදී අත්අඩංගුවට ගත් විදේශිකයන් 147 දෙනෙකු එළැඹෙන අප්රේල් 09 වැනිදා දක්වා රක්ෂිත බන්ධනාගාරගත කිරීමට හලාවත මහේස්ත්රාත් අධිකරණය අද (03) නියෝග කළේය. සැකකරුවන් සහ සැකකාරියන් පිරිස අධිකරණයට ඉදිරිපත් කිරීමෙන් අනතුරුව මෙම නියෝගය ලබා දී තිබේ.
අද උදෑසන ඉරණවිල ප්රදේශයේ පිහිටි හෝටලයක් වටලා සිදුකළ විශේෂ මෙහෙයුමකදී මෙම පිරිස අත්අඩංගුවට ගැනීමට පොලිසිය සමත් විය. අත්අඩංගුවට ගත් පිරිස අතර චීන ජාතිකයින් 133ක්, බංගලාදේශ ජාතිකයින් 13ක් සහ වියට්නාම ජාතිකයෙකු සිටින බව පොලිසිය තහවුරු කර ඇත.
මොවුන් විසින් සංවිධානාත්මක ලෙස අන්තර්ජාලය හරහා සිදුකර ඇති මූල්ය වංචාවල වපසරිය සහ ඒ සඳහා භාවිත කළ උපකරණ සම්බන්ධයෙන් පොලිසිය වැඩිදුර විමර්ශන පවත්වයි. සැකකරුවන් රඳවා සිටි හෝටල් පරිශ්රයෙන් විමර්ශන සඳහා අවශ්ය වැදගත් තොරතුරු රැසක් අනාවරණය කරගෙන ඇති බව ද වාර්තා වේ.
