අඟුණකොළපැලැස්ස ප්රාදේශීය සභාව මගින් ක්රියාත්මක කළ අඟුණකොළපැලැස්ස වැව ආශ්රිත “Leisure Island” බහු කාර්ය සංවර්ධන ව්යාපෘතිය අග්රාමාත්ය ආචාර්ය හරිනි අමරසූරියගේ ප්රධානත්වයෙන් පසුගිය 15 වනදා නිල වශයෙන් ජනතා අයිතියට පත් කෙරුණා. මෙම ව්යාපෘතිය සඳහා මුලින් රුපියල් හත් කෝටි පහළොස් ලක්ෂයක ඇස්තමේන්තුවක් ඉදිරිපත් කර තිබුණද, ඉතා කාර්යක්ෂම ලෙස රුපියල් හය කෝටි විසි දෙලක්ෂයකට අධික මුදලකින් එය සාර්ථකව නිම කිරීමට හැකි වීම විශේෂත්වයක්. ග්රාමීය සංවර්ධන අමාත්යාංශය, දකුණු පළාත් ආණ්ඩුකාර ප්රතිපාදන සහ මහවැලි සංවර්ධන අධිකාරියේ මූල්ය දායකත්වයට අමතරව, ප්රදේශවාසීන්ගේ සහ විවිධ ස්වේච්ඡා සංවිධානවල ශ්රම දායකත්වය ද මෙම ව්යාපෘතිය සාර්ථක කර ගැනීමට විශාල ශක්තියක් වී තිබෙනවා.
