හැටන් – පෝඩයිස් ප්රධාන මාර්ගයේ පෝඩයිස් ඇන්සි කොටස ප්රදේශයේදී ඊයේ (12) පෙරවරු 11.00 ට පමණ දරුණු රිය අනතුරක් සිදුව තිබේ. ධාවනය වෙමින් තිබූ ත්රිරෝද රථයක් රියදුරාට පාලනය කරගත නොහැකිව මාර්ගයෙන් ඉවතට පැන අඩි 70ක පමණ ප්රපාතයකට පෙරළී යාමෙන් මෙම අනතුර සිදුව ඇති බව වාර්තා වේ.
අනතුර සිදුවන අවස්ථාවේදී ත්රිරෝද රථය තුළ තිදෙනෙකු ගමන් කර ඇති අතර, ඔවුන් බරපතල තුවාල ලබා දික්ඔය මූලික රෝහල වෙත ඇතුළත් කිරීමට ප්රදේශවාසීන් කටයුතු කර ඇත. ප්රපාතයට පෙරළීම නිසා ත්රිරෝද රථයට දැඩි හානි සිදුව ඇති අතර, පොලිසිය සහ ප්රදේශවාසීන් එක්ව දැඩි පරිශ්රමයක් දරා තුවාල ලැබූවන් ඉහළට ගෙන රෝහල් ගත කර තිබේ.
කඳුකර ප්රදේශවල පවතින දැඩි බෑවුම් සහිත සහ පටු මාර්ගවල ධාවනය කිරීමේදී රියදුරන් වඩාත් ආරක්ෂිත උපක්රම අනුගමනය කළ යුතු බව හැටන් පොලිසිය අවධාරණය කරයි. විශේෂයෙන්ම මීදුම් සහිත හෝ වැසි සහිත කාලගුණයකදී මෙවැනි ප්රපාතාකාර මාර්ගවල රථවාහන පාලනය කරගැනීම අසීරු විය හැකි බව ඔවුන් පෙන්වා දෙයි. අනතුර සම්බන්ධයෙන් හැටන් පොලිසිය වැඩිදුර විමර්ශන පවත්වයි.
