හවායි හි ඕහු දූපතට ඇද හැලෙන අධික වර්ෂාව සහ ගිගුරුම් සහිත වැසි හේතුවෙන් ජීවිත හානි පවා සිදුවිය හැකි මට්ටමේ දරුණු හදිසි ගංවතුර අනතුරු ඇඟවීම් (Flash Flood Warnings) නිකුත් කර තිබේ. ජාතික කාලගුණ සේවය (NWS) පවසන්නේ මෙය ඉතා ඉහළ බලපෑමක් සහිත කාලගුණික රටාවක් බවයි.
විශේෂයෙන්ම හොනොලුලු (Honolulu), වයිකිකී (Waikiki), පර්ල් සිටි (Pearl City), කයිලුවා (Kailua) සහ වයිපාහු (Waipahu) යන ප්රදේශවල වසන ජනතාවට දැඩි විමසිල්ලෙන් පසුවන ලෙස බලධාරීන් උපදෙස් දී ඇත. ලබන සෙනසුරාදා වන විට ඇතැම් ප්රදේශවලට අඟල් 20කට වඩා වැඩි වර්ෂාපතනයක් අපේක්ෂා කරන බව කාලගුණ විද්යාඥයින් පෙන්වා දෙයි.
වර්ෂාවට අමතරව ප්රබල සුළං, දරුණු ගිගුරුම් සහිත වැසි සහ කඳුකර ප්රදේශවලට හිම පතනය වීම ද මෙම තත්ත්වය තවදුරටත් අවදානම් සහගත කිරීමට හේතු වී තිබේ. පහත් බිම්වල වසන ජනතාවට අවශ්ය වුවහොත් වහාම ඉවත් වීම සඳහා සූදානම්ව සිටින ලෙස දන්වා ඇත.
