පවතින අධික උණුසුම් කාලගුණික තත්ත්වය හුදෙක් ශාරීරික අපහසුතාවන්ට පමණක් නොව, මානසික අවපීඩනය, ආතතිය සහ නොසන්සුන්කාරී ස්වභාවයන් ඇති කිරීමට ද සෘජුවම බලපාන බව මනෝ වෛද්ය විද්යා විජේබණ්ඩාර මහත්මිය අද (01) ප්රකාශ කළාය. සෞඛ්ය ප්රවර්ධන කාර්යාංශයේ පැවති මාධ්ය හමුවකදී ඇය මේ බව පෙන්වා දුන්නාය.
අධික රස්නය නිසා ශරීරය විජලනයට පත්වීමෙන් මොළයේ පවතින රසායනික ද්රව්ය සහ හෝමෝනවල වෙනස්වීම් සිදුවන අතර, එමගින් පුද්ගලයෙකුගේ මානසික මට්ටම පහත වැටීමට ඉඩ පවතී. එමෙන්ම රාත්රී කාලයේ අධික රස්නය නිසා නින්දට බාධා පැමිණීම ද මානසික ආතතිය සහ විෂාදය වැනි තත්ත්වයන් තීව්ර කිරීමට හේතු වේ. මතකය අඩුවීම සහ අවධානය යොමු කිරීමේ අපහසුතා ද මෙහි අතුරුඵල විය හැකි
කුඩා දරුවන්, ගර්භණී මව්වරුන්, වයෝවෘද්ධ පිරිස් සහ නිදන්ගත රෝගවලින් පෙළෙන්නන් මේ පිළිබඳව වැඩි අවධානයක් යොමු කළ යුතුය. විශේෂයෙන්ම අධික උණුසුම පවතින අවස්ථාවලදී මත්පැන් සහ මත්ද්රව්ය භාවිත කිරීමෙන් මානසික මට්ටම වේගයෙන් කඩා වැටිය හැකි බව වෛද්යවරිය අවධාරණය කළාය. මානසික සුවතාව රැක ගැනීම සඳහා සැහැල්ලු ව්යායාම, භාවනාව, සංගීතයට සවන්දීම සහ පරිසරය සමඟ ගත කිරීම වැනි ක්රියාවල නිරත වන ලෙස ඇය ජනතාවගෙන් ඉල්ලා සිටියි.
