ලෝක වෙළඳපොළේ ඉන්ධන මිල ඉහළ යාමත් සමඟ මෙරට අත්යවශ්ය භාණ්ඩ මිල ඉහළ යනු ඇතැයි ජනතාව තුළ දැඩි බියක් හටගෙන තිබුණද, එළවළු මිල ගණන් දීර්ඝ කාලීනව ඉහළ යාමේ අවදානමක් නොමැති බව හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු ආයතනය පවසයි. ඉන්ධන මිල වෙනස්වීම් හමුවේ ප්රවාහන පිරිවැය ඉහළ යාම වෙළඳපොළ මිල කෙරෙහි කෙටි කාලීන බලපෑමක් එල්ල කළ හැකි වුවද, එය එළවළු මිල අඛණ්ඩව ඉහළ මට්ටමක පවත්වා ගැනීමට තරම් ප්රබල සාධකයක් නොවන බව එම ආයතනය පෙන්වා දෙයි.
ගොවි කටයුතු පර්යේෂණ හා පුහුණු ආයතනයේ විශ්ලේෂණයන්ට අනුව, එළවළු මිල තීරණය වීමේදී ඉන්ධන පිරිවැයට වඩා වගා අස්වනු වෙළඳපොළට ලැබීමේ ප්රමාණය සහ කාලගුණික බලපෑම් වඩාත් තීරණාත්මක වේ. මේ වන විට දිවයිනේ ප්රධාන වගා කලාපවලින් ලැබෙන එළවළු සැපයුම යහපත් මට්ටමක පවතින බැවින්, ඉන්ධන මිල ඉහළ යාම මත පදනම්ව වෙළඳපොළේ කෘත්රිම මිල ඉහළ යාමක් සිදු නොවිය යුතු බව එම ආයතනය අවධාරණය කරයි. මේ අනුව ඉදිරි කාලසීමාව තුළ එළවළු මිල සාමාන්ය මට්ටමක පවතිනු ඇතැයි පාරිභෝගික ජනතාවට බලාපොරොත්තු තැබිය හැකිය.
